ساطي المرشدي
يقول المرشدي والمرشدي ساطي حلي الزير=سلام الله على العتبـان قاصيهـا ودانيهـا
انا ما جيت للي يخطي الاهداف ياهل الخير=ابي ناجول لامنّه رمـى الاهـداف يمحيهـا
احمد الزايدي
هلا يامرحبا يا المرشدي ساطي قدمك النير=تراحيب المعزه لجلك أنتـه قمـت أثنيهـا
ياساطي ماتباه يصير بأذن الله لزوم يصير=أبا وجهت نظر منك أنت وين أنته مرسيها
ساطي المرشدي
يدوم لك البقا يالزايدي من بعد جيت مغير=عدد ما لاح برقٍ للسحايب من مناشيهـا
اعرفك رجل تفهمها ولا يحتاج لك تفسير=بيوت الهاجس الهداج من يجهل معانيها
احمد الزايدي
أبا من عندك التقرير وانته راعي التقرير=لزوم الرجل يعرف منتها مـن مباديهـا
اجيب الك العلوم الوافيه ماتحتمل تقصير=وبيوت الهاجس الهداج ماكـل يسويهـا
ساطي المرشدي
الا يا احمد ولد حامد ترى التقرير به تحذير=تلز وتطلب التقرير مـا تذهـن خوافيهـا
سلامه للحمامه من بعد فزت تريـد تطيـر=صفقها مخلب كحيلان يوم الله عثـا فيهـا
احمد الزايدي
مهوسالم وغانم رجل قدامي يعكس السيـر=علاه أخيال أخيله والسحابه مـن مناشيهـا
ترى سمحان قدامك ياساطي ليش سمي بعير=جمل لويهبدك خفـه تمـوت انتـه بتاليهـا
ساطي المرشدي
تراني شفت بيرك مصفيه يالزايدي والبيـر=قبل مده تعاقب لاجل خلـق الله سوانيهـا
ورى سمحان يرغي يا ولد حامد بعد الهدير=سمعنا هرجتك لاكن مـا شفنـا مواريهـا
احمد الزايدي
تبا تبرير لكن يا السنافي ماش الك تبرير=عرفنا كل علمك والصلاه اللـي تصليهـا
جمالنا يرغي ويهدر ليا جات النياق عصير=وسم فيها يساطي عان وسمه في علابيها
ساطي المرشدي
تقوله وانت هرجك يا ولد حامد غدا تكرير=تجمع في العلوم اللي ما تدري وش تواليها
جملكم عاكس القانون لشاف النياق تديـر=يجي لقرب نياق القوم ويبرك بين اياديهـا