اقتباس:
المشاركة الأصلية كتبت بواسطة السبيــــعي
في البداية اشكرك على الموضوع هذا
ثانيا لا ازعاج ولا هم يحزنون .. والله ياخوي اني اول مره اسمع بالشرطة التجمعية وبصراحة ما فمهتها
ولا فهمت طبيعت عملها الا بعد ما قريت الاستبيان ..
عندي عدة اسأله ياليت يكون صدرك رحب ..
انت اللي مسوي هالدراسة والاستبيان ؟
متى بتقدم رسالتك في الدكتوراه؟
من فكرته الشرطة التجمعية ؟
متى بنشوفها بأرض الواقع ؟ وهل ممكن ؟
ما شفنا دعاية او اعلان مصاحب لها في الاعلام؟
>> اذا تبي رايي ..
انا من المؤيدين لها لان الايجابيات اكثر من السلبيات
اولا نتكلم بالسلبيات..
مفهوم الشرطة مازال مرعب للكبار قبل الصغار
فهم مايجون الا اذا فيه جريمة ولا اذا طب حرامي
>> لازم نغير فكرة المجتمع عن الشرطة وانهم اصدقاء
ومصدر للامن والامان
خوفك من استغلال بعض المجرمين المحترفين لفكرة اندماج الشرطة بالمجتمع
واستغلالها في بعض الجرائم
كأن يستغلون بعض الصلاحيات في تنفيذ جرائمهم !
يعني يستغلون سفاهة بعض المراهقين على انهم من السلك الامني
>>>فهمت شقصد؟؟ مدري كيف افسرها 
هذا اللي طرى علي الحين من ناحية السلبيات
>> الايجابيات..
انتشال فئة المراهقين من عدة مشاكل كالمخدرات والارهاب
ودمجهم بالسلك الامني..
مما ينمي عندهم الحس الوطني
وتحمل المسؤولية.
وجود الشرطة التجمعية في المناسبات الاجتماعية واندماجهم
مع الجمهور يزيل تلك الفكرة والخوف من الشرطة
وبأنهم ما يجون الا في المصايب
كذلك وجودهم بالاحياء وبين الناس وبالاسواق وامام المدارس
يحد من جرائم الاختطاف والاغتصاب والسرقات وهوشات الشباب الله يصلحهم.
وأنا ارى ان بعض الناس سيحب العمل في الشرطة التجمعية بلا مقابل مادي خصوصا فئة الشباب
هذا هم يشتكون من الفراغ خلهم ينفعونا شوي ؟ هههههه
عذراا على الاطالة
لكن الموضوع شدني والله يوفقك يا دكتور عبدلله |
هلا اخوي السبعي اولا/الدراسه مهيب لي
والموضع لقيته في موقع واسف جدا اني ماوضعت منقول
السوال الثاني والله مدري متى بيحطونها
حتى انا ماشفت لها دعايه ولا اعلام
مشكور على مرورك الجميل
واسف من جديد