[بدراني دوسري]

من حيث الكذب فالدواسر من أصدق العرب وهذا معروف عند اهل نجد وعند من يخالطهم وشهادتك ضدهم عجيبة!

والتاريخ المزور اللي تدعيه يدل على جهلك بالتاريخ والا الدواسر اخبارهم تلقاها في كتب المؤرخين المحايدين قبل منتداهم لكن انت جويهل بالتاريخ وحتى بالانساب

طالبتونا باثبات واحد حول من اجلى بني عقيل فجنا اخذنا الوادي وعالية نجد الجنوبية وهي من ديار عقيل وفيه من عقيل من دخل في الدواسر حلف
الا تبغا تقول ان العقيلين اخرجوا من نجد على يد القرامطة لتحالفهم مع الاخيضرين اللي كان لهم حكم نجد
فالرد عليك من ساعد القرامطة؟؟؟ لحالهم غير معقول

او تبغا تقول ان عقيل قصروا من عيشة نجد والوادي فتركوها لغيرهم وراحوا لجنوب العراق!!!

ثم ليش تتكلم عن عقيل؟؟
لا يكون مصدق الشاعر اللي يقول

ولاتنس جمع الخالدي فانهم
قبائل شتى من عقيل بن عامر

نعم فيه فروع من عقيل دخلوا مع بني خالد مثل ما دخل فروع منهم مع الدواسر وغيرهم

لكن القبيلة الرئيسة يا ذكي تلقاها في جنوب العراق!!!! الى الان رح وناقشهم من هو العقيلي الاصلي ومن هو التلفيق؟؟؟
وهم ربيعة - مالك - عبادة - خفاجة وغيرهم واكثرهم يدينون بالمذهب الشيعي لانهم في نجد ذاك الحين كانوا شيعة مع الاخيضرين حكام اليمامة

ما ودي استرسل معك واعطيك دروس مجانية وانا وقتي ثمين

لكن رح ناقش الخالدي ابن زبن والشباط ويش هم يكتبون

اما العجمان فهم عوانينا وحنا وهم واحد فما ادري ويش القصص اللي حنا لفقناها؟؟؟؟ الا يكون قصدك خبر ابن مطرف مع الشريف فهو ما هو عجمي!

اما جملتك الاخيرة ( محاولتكم) فهذا الكلام المضحك!!!
انتسابنا للملطوم معروف ونحفظه ونردده وماخذينه من جدانا ما حنا ولله الحمد مثل بعض القبائل اللي ما عرفت نسبها الا في السنين الاخيرة وبعضها لهالحين ضايع ويدور

قال الجبعا بن خليف وهو من القرن الثاني عشر الهجري وهنو بدوي لا يقرا ولا يكتب:

لابتي ترثة حميد بن مدرك
جدنا عمرو الشجاع الاصيل

وعمرو هو عمرو بن عامر الملطوم

فاحفظ لسانك لان بني خالد لهم معزة عندنا حنا يا الدواسر في سدير لا توصف لكن الظاهر انك من القصيم