نايف بن ملحق الثعلي
البدايه ياسلام ورحمه الله وبركاته=سنه الاسلام اقدمها وناصر يستلمها
ثم بعده كان عندك علم يارجال هاته=الجزيره تحت ظل الحكم ويرفرف علمها
ناصرالمرشدي
سنة الاسلام ارد الك السلام بمفرداته=قبل عادات العرب وسلومها وايضا قيمها
مانكب راع السكات مع الرجال الا سكاته=يعرف الخطه ولكن للمسيره مارسمها
نايف بن ملحق الثعلي
ليش مارحبت وانته رجل مانجهل صفاته=جاك ناسن تحترمك ولازم انك تحترمها
من يخلي ما قفه ياالمرشدي حلت ذكاته=وانت مثل الي بناها واخر ايامه هدمها
ناصرالمرشدي
هدينا هدي الرسول اللي عرفنا معجزاته=من يعلم صاحبي بالحجه اللي مافهما
من يعيش بذل عندي موته افضل من حياته=يابن ملحق لد في يمناك وش يكتب قلمها
نايف بن ملحق الثعلي
الفهيم الي يعرف العلم مايقلب عباته=والمذاهب عندنا والناس ماتنسي شيمها
والله اني لسهرك والليل لايمكن تباته=مايعين خيرمن سب الاجاويد وظلمها
ناصرالمرشدي
لاتخالف سنة محمد ولاتجهل صفاته=عض بالناجد عليها يالعتيبي واغتنمها
مامشينا بالمسبه والضليمه والشماته=والله اني مارحم الا كود من ربي رحمها
نايف بن ملحق الثعلي
علمك الي تذكره للناس ماعندك ثباته=نتبع السنه وبعض الناس عيا يلتزمها
كان تدري من يدورها مع الايام جاته=والجمال الساحليه خابربن الي وسمها
ناصرالمرشدي
ويش اسوي فالبعير اللي يقرط في لهاته=من زعل مدري رضا قام يهدر حتى قضمها
والجمال اللي مع الجمّال تجفل من عصاته=شرد لو حمولها بضهورها قام وحزمها