الموضوع
:
في نصرة رســول الله
عرض مشاركة واحدة
21-Feb-2008, 11:52 PM
رقم المشاركة :
7
معلومات العضو
أبو نجر النفيعي
مشرف سابق
إحصائية العضو
التوقيت
اقتباس:
المشاركة الأصلية كتبت بواسطة هلال العتيبي
صلّوا على رسول الله
ليت القلم يكتب على مدّ شوفي = ويترجم إحساسي فصاحة وتعبير
وليت الشعر ياسيّد الخلق يوفي = ويكون له في داخل النفس تأثير
إليا طرى اسمك ياسعادة حروفي = الحرف من زود الفرح ودّه يطير
يارحمة الرب الغفور الرؤوفي = للجن والأنس أرسلك سايق الخير
ياليتها لمست كفوفك كفوفي = وياليتني من صحبتك ف المسافير
والله إن حبك ساكن (ن) وسط جوفي = لو كلّي ذنوب وجهالة وتقصير
شوفتك بشرى للفؤاد الشغوفي = ليتك تجي تشرق بك الروح وتنير
أيقظ منامي بدّد انواع خوفي = طيفك شعاع يعطر النفس تعطير
ياسيدي غاية مناي وشفوفي = جيرتك في الفردوس لاغير.. لاغير
ياتاج راسي ياعظيم الوصوفي = ياخير هادي يا شهير المشاهير
ياخير من ضافوا عليه الضيوفي = وياخير من ساق الامل والتباشير
ياناصر الحق وعوين الضعوفي = ياهادم اصنام البدع والأساطير
اذا تكلّم فيك خبلٍ لقوفي = وصوّرك في بعض المجلات تصوير
لنصرتك ناقف صفوف وصفوفي = نذب عن عرضك حشود وطوابير
بالدين دونك والقلم والسيوفي = ف وجيه الأنذال العلوج الخنازير
ويارب توبة قبل تدني حتوفي = وحط لي في ظلمة القبر تنوير
نهار تتعب من ذنوبي كتوفي = ارحم ودبرّني على خير تدبير
واغفر لعبدك في نهار الوقوفي = وطهّرني من الشرك والكفر تطهير
وصلاة من ربي الوف والوفي = على رسول الله ماغرد الطير
[/poem
..
اللهم صل وسلم عليه ..
.
صح لسانك يا هلال .. قصيده جزله من شاعر جزل .. وعساها في ميزان حسناتك ان شاء الله ..
وبيض الله جهك يالغالي ..
أخوك.
التوقيع
.....
أبو نجر النفيعي
مشاهدة ملفه الشخصي
إرسال رسالة خاصة إلى أبو نجر النفيعي
البحث عن المشاركات التي كتبها أبو نجر النفيعي