[أبو مرحبا]

المشاركة الأصلية كتبت بواسطة أيمن العتيبي

نرحل وتبقى الذكريات

وترحل الذكريات

ويبقى

وجهه سبحانه وتعالى

متجسداً في قوله سبحانه

(( كل من عليها فان ويبقى وجه ربك ذو الجلال والإكرام ))

أما هنا في متصفحي فلن تجدون الا

طلاسم شاعر

أصطدم بواقع الذكريات المرير

لشاعر اختار الرحيل

لكي يبقى

هنا وهناك من مشاعرنا وشعورنا وشعرنا ...!!!

الى الاعزاء هنا

اليكم هذه المتواضعه .

7
7
7
7
بسم الله نبدأ
7
7
7
7

ليلـة البـارح سرتبـي ذكريـات بـلا شعـور=وصرت بين اللا شعور وبيـن تأنيـب الضميـر
ولا صحيت الا وأنا بين النصايـب والقبـور=عند قبر الشاعر اللـي مـات فـا الدنيـا فقيـر
مات روح وباد عظـم وحـي مابيـن السطـور=خلده شعره على البحـر الطويـل مـع القصيـر
شاعر (ن ) دنياه ما مـدة عليـه الا القصـور=نقصت في حق منهو عاش فيهـا شبـه أسيـر
الفقـر مستيسـره والصبـر للرجـل الصبـور=سامع ( ن ) بان الفرج مفتـاح للبـاب الاخيـر
في حياته عز نفسـه وإلتجـا ... يـم الغفـور=لاطلب عيشة مديـر ولا طلـب منصـب وزيـر
عز نفسه فـي حياتـه عـن ملحسـة القـدور=ومات في جنبه نياق ( ن ) عاقل (ن ) عنها بعير
ياصباح الخير ياقبر ( ن ) تضـم أبـن سـرور=جيت يمـك لـو مابـك روح لكـن بـأستشيـر
خابره ميـت جسـد لكـن شفتـه فـا البحـور=كان بندر في قصيـده حـي قـل يمكـن يصيـر
قال قبره جيت فـي ظلمـات ليـل بـدون نـور=ويش علمـك جيتـك ماهيـب جيـت مستشيـر
قلت مدري قال تـدري هـات مخفـي الصـدور=قلت بندر شفـت بنـدر فـي قصيـده يستجيـر
قال وأنته فازع ( ن ) له عكس ما المسلم يـزور=قلت دين الله يسيـر ولا خبـرت أنـه عسيـر
قـال تلحقـك الحميـا والا صايبـك الـغـرور=قلت أنا ما أملك غرور بثقل حبـه مـن شعيـر
وكـان عـادت للحميـا والله أنـي مـا أبـور=فوق ذلك ياقبر خذ كلمتيـن ( ن ) مـن خبيـر
الرجل ماهـوب رجـل إن كـان دمـه مايفـور=مع بني عمـه ولـو إنـه علـى البيـدا كسيـر
قال قلي ويـش تبغـا بانـت خيـوط السحـور=قلت بعرف كيف بندر كان فـي شعـره خطيـر
قـال ودك لـه تقلـد قلـت أقلـد لـي نـمـور=يـوم غيـري مايقلـد فـا الزمـان الا الحميـر
قال كرم قلت كرموا سامعين ( ن ) مع حضـور=بعد هذي ياقبـر عجـل تـرى جفنـي سهيـر
قال تبغا قصته في شطر مـن ضمـن الشطـور=قلت هات الشطر منك وأعـده إنـه وسـط بيـر
قال حاله في حياته من حدور ( ن ) فـي حـدور=قلت موته قال جاني في نعـش مـدري سريـر
وقلت سهلها علي وقال للعداون دور=قـال تفلـح قلـت باقـي قـال ماحنـا بخـيـر
قلت قلي ياقبر هو فـي سـرور أو فـي دبـور=قال علمه يا أبن عمه عنـد جبـار ( ن ) قديـر
قال ماشي قلت ماشـي ياعسـى داخلـك نـور=والله أنه يرحـم اللـي مـات فـا الدنيـا فقيـر

7
7
7
وبحمد الله ننتهي

أخوكم

أيمن العتيبي

أيمن العتيبي

صــح السانك

بنتظار جديدك

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي