مرت سنه ياناس من مات صدام ** يوم شنقوه بيوم عيـد الضحيه
وثارت به اقـلام وتعبت به اقـلام ** ومن نجد فزت له خيول أعربيه
ســلام ياصـدام ياشـبـل الاسـلام ** خذ لك من الهيلا سلام وتحيه
يالفارس الشغموم يالشامخ الهام ** ياباطش بالفرس بطشه جريه
يالذيب يالسرحان يالضاري السام ** ياسد العروبه ياقضى كل حيه
انا اشـهد انك منتزع كل الاوسـام ** ليت ولـدت مثلك جـميع بدويه
ياعزنا اللي مات في حبل الاعدام ** يانـكـبـة حـلـت عـلـيـنـا قـويـه
يكفينا وش سوى بمخلفة الاحكام ** اهل الفعـول الفاضحه والدنيـه
خـلى منازلهم تحـت كعب الاقـدام ** ولا قـاموا الا بعـد جـته المنيـه
قاموا على السنه بتقتيل واجـرام ** ولا العن من الملعون الا خـويه
كم مسـجد دمر لجل بتـر الاسـلام ** الشـر واضـح والمـقاصد جلـيه
وكم عرض بنت ينتهك سر واعلام ** اثر العـرب ما عـاد فيهم حميـه
مرحــوم ياصـدام يالـيـث الاسـلام ** ياجـعل قـبـرك للسـحاب برديـه
مرت سنه ياناس من موت صدام ** يوم قـتلوه العـام عـيـد الضحيـه
واليوم عيـدنا عـلى موت الاحلام ** وعز العـرب ما عاد له من بقيه