بسم الله الرحمن الرحيم
السلام على عيال العم انا يوم اشتركت في هذا المنتدي اشتركت لني اعتبره فخر لي ولكل عتيبي وتمنى من جميع الاعضاء المشاركه الفعاله في المنتدي لنرفع من شانه ونوصله للقمه وذلك بفضل الله وثم بجهودكم جميعا ....... القصه هذي
لشليويح العطاوي كان رايح هو وربعه يبون يغزون قبيلة قحطان ، توغلو شليويح وربعه الى نص ديريتهم ، نزلو يرتاحون ربعه وراح هو يشوف المنطقه ويوم ركب الجبل شاف المنطقه مبقعه بظلال الابل السناميه ، وفي نفس الوقت سمع صوت بنيه تغني وقترب منها وسمعا تقول :
الورع راع السيف وده شعاني = شيع القطيع اللي شعاها شليويح
وضح شعاها من ديار قحطاني = واقفا عليها مرذي الفطر الفيح
يبدي لها في نايفات البياني = وادلى عليها من علاوي السراديح
اقفوا عليها يزعجون الغناني = من خوف لا يرمي لهم بالمصابيح
خلي على نبال قلبي كواني = كثير مرات وانا اقوم وطيح
يوم سمع شليويح البنت عرف انها سمعت غزواته على ابل قحطان وستوي هو فارس احلامها ، المهم طلع للبنت وهي مش مصدقه ، وعطاها الامان على ابلها بفضل هذي القصيده وراح لربعه وقالهم : ياقوم اخذوا الابل كلها الى ابل الحرمه هذي واشر على الحرمه ، وظلت البنت هذي وفيه لشليويح بعد ماسرق ابل قبيلتها لنها منعت الرعاه من ركوب ابلها وتبليغ قحطان بالغزوا وقالولها
(( يابنت عطينا راحله نبي نصيح اهلنا عشان يلحقون ابلهم )) قالتلهم
(( لا والله ماني معطيتكم ، تبون تتباطون على بيتوا معي ، تبون ترحون لهلكم روحو على رجليكم )) ووصلو الرعاه والبنت في اليوم الثاني المغرب ، ما يمديهم يلحقون شليويح فقال ابو البنت للبنت :ياملعونة الحرثايه ، يعني يا ملعونة الوالدين ليش ما صيحتي قحطان على ابلهم فقالت كيف اصيح قحطان وشليويح قدم ابلها هديه فقالت : ماني بمصيحه عليه ،عامل معروف فيني .............
وبذلك كانت البنت وفيه لشليويح حتي اخر القصه .......
والبنت معروف اسمها ومعروفين اهلها وهي ما قصرت في شليويح لذلك بذكر اسمها (( عايشه بنت محمد بن عردان الدرم ، من عشيرة الروق التي تنتمي لقحطان