بسم الله الرحمن الرحيم
مجاراه بين الشاعر الكبير الشيخ /عبدالله بن دخين الذويبي الثبيتي شيخ قبيلة الذويبات والمتوفى عام 1412هـ وفتاة الوشم قبل 17 عام تقريبا وهذه قصيده فتاة الوشم
يانـاس عينـي مـن اللوعـات مذعـوره
ونفسي عيال الفلس جابـوا حضايبهـا
وقلبي يزوم الزعل والنفـس محـروره
حسـيـت بالـلـي عـيـوبـه مايحسـبـهـا
لقيـت رجـل وفيـه مـن المـره صــوره
يمشـي علـى عيـب نفـسـه مايعاتبـهـا
يـوم يتمخـطـر يقـلـد مـشـي غـنـدوره
عـن مشيـة الرجـل للخـفـرات يقلبـهـا
قلتـه وانـا مـن شبـاب اليـوم مقهـوره
كيـف الحمايـل تجنـب عــن مناجبـهـا
يابنت شومي عن اللي يمشط اشعوره
ويمـيـل بالكـعـب وفـخــوذه يهـزابـهـا
ليتـه لبـس لــه بـلـوزه فــوق تـنـوره
يـــوم المنـاقـيـد مـايــدرى عـواقـبـهـا
شبـاب ياللـي عليـك السـود منـشـوره
ارفـــع مـقــام الـرجـولـه لا تـخـربـهـا
وقال الشيخ لوقالت
مايعرف البندقه في حكم اخو نوره ولا يعـرف لشيلـهـا ولا مقاضبـهـا
وهذه مجاراة الشيخ
ياليتني عـارف ارض الوشـم وازوره
وانشد هله عن فتاة الوشم واخطبهـا
وان كــان متـزوجـه رجــال مـعـذوره
اعـنـا بـهــا وتـــزوج مـــن قرايـبـهـا
اذرى من البر واصرم واحصد ابذوره
فـي دار الاجـواد لوعسـرت مطالبـهـا
بعض العذارى مـن اللابـوث ماجـوره
تجتازمربى العـلا مـن طيـب منسبهـا
يـوم انهـا بالعقـل والـعـرف مـذكـوره
مجـتـازة الـعـرف والرحـمـن ودبـهــا
تنشـد وتعـطـي ردي الـخـال مـقـدوره
وماكـل مـن شافتـه فالنـاس يعجبـهـا
وانا اتشوق لهـرج العـرف وسطـوره
والمعرفـه مـن عطايـا الـرب موهبهـا
اشعـار فيهـا حكـم واشعـار مهجـوره
وهذا الشعر حكمته في اللوح نكتبهـا
عذرا تجيد الشعر وتعـوم فـي بحـوره
وتجيب الاوصاف من بحره وتكسبها
عسـى ديرهـا مـن الرجعـان ممطـوره
مــن غـيـث ديمـومـة هـلـت ذويـبـهـا