[بدراني دوسري]

المشاركة الأصلية كتبت بواسطة شمل الدواسر

ولاكن أين هم أحفاده لايشاركون الدواسر في اتراحهم وأحزانهم

أهلا بأخي ( شمل الدواسر )

ويش الاتراح والاحزان اللي تتكلم عنها؟؟؟؟

في الزمن الماضي البدارين في سدير وما جاورها

قصصهم في سدير مذكورة في كتب التاريخ انهم يفزعون لناس من تميم مثل رميزان التميمي في سدير والعناقر في ثرمداء

ويفزعون لابن نحيط الخالدي

وفازعين لحميدان الشويعر الخالدي راعي القصب ( اللي فازع له أمير الغاط جد السدارى )

وغيرها قصص تلقاها في ثنايا كتب التاريخ!

والبدارين قادرين يردون اي اعتداء عليهم من الاخرين من القبائل ما عدا الحكام وجيوشهم الجرارة فهذولاء حتى القبائل اللي تعدادها فوق المليون ما ياقفون قدامهم

ومعروفه قصة ابن عمر البدراني في الروضة يوم يستفزعون بالدواسر في سدير والمحمل ضد بني تميم ويوم تكاثرت الافزاع من المحمل وعودة سدير رضوا تميم بالصلح واستتب الامر ----- ولعلمك تميم في سدير اكثرية

اما الدواسر اهل الوادي والسليل من قبائل المساعرة والرجبان والمخاريم والوداعين فهم اكثر عدد واقوى باس من البدارين ولا هم بحاجة لنا واذا بغونا في شئ فحنا حاضرين واذا عندك تاريخ انكم استفزعتوا بنا ولا فزعنا معكم!!! فعطناه بارك الله فيك

والدواسر منتشرين من الشماسية بالقصيم لنجران وحدود حضرموت وفارضين هيبتهم

فالغياثات في خريص والخرج

وقبائل ال حسن في الافلاج


كل مستقل بنفسه والفزعة تجي من الاقرب فالاقرب!!!