[الطيبه كلها]

اابو سيف جهز العشاء وقلط المفطح لضيفه ابو نجر .

ابو سيف راع المحل : اقلط يابو نجر على فالك والعقال يلحق . ( افهما طولة علينا يالله اهلك يبونك )

ابو نجر الضيف : يالله

ابو سيف راع المحل : ( جلسوا هم وسيف ) اقلط انطح فالك والله يحيك وانا معك

ابو نجر الضيف : الله يحييكم ( وطبوا البدو وعرمشوها عرمشه – القاموس لازم يكون بجنك بتحتاجه - مابقى الا عظامها مفانيس – القاموس ياجماعه -

ابو سيف راع المحل : قام الضيف وشكر ( الله يكثر خير يابو سيف وعسى هذا طبعكم وانا من ربعكم ) (طبعامن لقاها )

ابو نجر الضيف : مهوب حقك يابو نجر الود اني ذابح لك حاشي .

سيف يكلم ابوه بصوت خافض : امي تقول فرشنا لكم بالحوش وحطينا اقهوه والشاهي هناك علشان تكملون السهره .





بو سيف راع المحل : يابو نجر ....

ابو نجر الضيف : ارحب يابو سيف

ابو سيف راع المحل : ابقه .... ارواحك – القاموس ياشباب – نكمل السهره في الحوش .

ابو نجر الضيف : يالله يابو سيف

( طلعوا وجلسوا وتاملوا السماء والنجوم والقمر ليلة اربع طعش يالله ما اجمله سبحان من صوره هاضت شجونهم واشعرو القصيدة التالية – القصيده للداعيه الشيخ الشيباني الله يحفظه )

	ابو سيف: حدر نور القمر يامجمل المجلاس لمرحت كل الأصوات وهدا الليلي ابو نجر: والصبا في الدجا جالها نِسناس والكواكب مثل وصف القناديلي ابو سيف: وسط روضِ عبيره ينعش الأنفاس عقب جف الندى نبته تشاكيلي ابو نجر : في فياح(ن) خلاوي(ن) من الاوناس يصلح الكيف وتطيب التعاليلي ابو سيف: قرب النجر يالشغموم والمحماس واشعم النار بوجار المعاميلي ابو نجر : وسوي ياصاحي ما يبعد عماس الرأس واجتهد في سوات البني والهيلي ابو سيف: احمس البن واضف له ثلاث اجناس قد ذكرها الهذيلي بالتفاصيلي ابو نجر : لا حمست انتبه للبن ياحماس عن حارقه ولا تنهييه بالحيلي ابو سيف: وبعدها دقها في ماوت(ن) حاساس لا نقرته تهيض بالمواويلي ابو نجر : وقس لها الماء لدقيتها بقياس من صفاته تساقيها الهماليلي ابو سيف: وصبها لخذت في فوحها ميرواس لين تركد لو من غير تطويلي ابو نجر : وزلها في صهات(ن) كانها القرطاس فارع(ن) جيدها زين التفاصيلي ابو سيف: وصب لي عقب ما تالم كفيت الباس من صفا صفوها خمسة فناجيلي ابو نجر : كودها تطرد التفكيري والهوجاس كود جوي ولو ساعات يصفي لي ابو سيف: يا الله انك تساعد مرهف الاحساس كل وقته بهاذيل وغرابيلي ابو نجر : الله الله ياسلاااااااااااام

ابو سيف راع المحل : تقهو يابو نجر

ابو نجر الضيف : ارخص لي يابو سيف وعز الله انك ماقصرت وكبر الله واجبك . عيالي ينادوني وانا طولت .

ابوسيف وش معجلك نام الليله ومن اصبح افلح .

( وانتهت سالفة ابو سيف وضيفه ابو نجر وسلااااااااااااامتكم )

آخر تعديل الطيبه كلها يوم 04-Sep-2007 في 05:31 PM.