بسم الله الرحمن الرحيم
أخواني الأعضاء
أخواني الزوار أقدم لكم ديوان الشاعر العلم من اعلام الشعر
النبطي وهو الشاعر بندر بن سرور العتيبي
وله القصائد الغزليه و الوصف و النصائح و الوجد ........إلخ
امسى على ساقين واصبح على ساق
سر ياقلم مالي على الصبـر طاقـه
صبري تعدى الحـد ماعـاد ينطـاق
أكتـب لمثلـي قصتـه واشتيـاقـه
في خطك الواضح على بيض الأوراق
قصة حزيـن صافـي الحـر ذاقـه
انا بذكره ماصله خاطـري ضـاق
باقو به الأصحـاب والوقـت باقـه
وصار الضحيه بيـن بايـر وبـواق
يمشي وهو ماحس في كسـر ساقـه
امسى على ساقين واصبح على ساق
هذي سواة الوقت شيـن اصطفاقـه
الوقت لو يصفـى لـك ايـام دراق
لاشك يامـن معـك عقـل ولباقـه
ابانصحك كان انك للأمثـال تشتـاق
صادق رجـال يعرفـون الصداقـه
يقفون صفك يوم يبسـات الأريـاق
ومن يرغب فراقـك فعجـل فراقـه
جاز الذي يجزيـك أفـراق بفـراق
يقولـه اللـي جايـر الوقـت عاقـه
ولازال فـي غيبوبـة الهـم مافـاق
حظه على اقشر شي للنفـس ساقـه
بقبور الاحياء ينتظر يوم الأطـلاق
عشيري ورى الكودة
وهنى اللـى تمرجـل بصـك تـراب
لو لا لجنة الترسيم ماعـاش مـع غيـرة
وانا كل ديـرة جيتهـا وادرك الاسبـاب
ادور نصيـبٍ بـذ رجـلـي بتـدويـرة
والا يا وجودى وجد من صك دونة بـابب
قفـل اعجمـى(ن) مغلقـات مساميـرة
معة فرت خمسة طن ياخذ ميـة ركـاب
مـن المـال عـيـاً ينقلـنـة تغايـيـرة
عدوبه هل اللـي كنـه النصربالمرقـاب
على الجمس الاصفركامـلاتٍ شراشيـره
ودخل هووحملـه للحكومـة بغيرحسـاب
وراعـيـه عشرسنـيـن ويعادتقـريـره
على اللى كوانى كيـة العظـم بالمشهـاب
على اقصى عراوى القلب محم مناشيـرة
عشيري ورى الكودة وانا من ورى مشعاب
بعيـد قريـب تعيـب ياهـون تيسـيـرة
ولا ياصلة ياكود فـرت عليـة اصطـاب
ليـا حاسـب السـواق تشـر مواخيـرة
صنايع بياطيـر الكفـر لابسيـن الكـاب
عصاة اليهـود اللـى مشاريبهـا البيـرة
ولاوهنى اللـى عـن الـود ماقـد تـاب
وانا تبـت عنـة وعدتلـة ياللـة الخيـرة
لولاي أعدي الرجم في مرقب الصاح
لولاي أعد الرجم في مرقب الصاح
وألعب بعسر القاف مانيب صاحي
قم يا عليثه للشهر عـد وش راح
بأول جمادى عدلي ويـش راحـي
وهات القلم واكتب لي الخط ياشاح
زرّف عليه وسجّلـه بالنصاحـي
واعيني اللي ماتهنـت بالأمـراح
من يوم جاني بالبخايص مناحـي
البارحة ما أمرحت لين القمر طاح
من شرق لينه يمة الغرب طاحـي
اخيللي برقٍ علـى نجـد مـرّاح
برقه على دار الغضي بامتراحـي
ياجعل يسقيهم من الوسـم جـرّاح
قـدّام ينزاعـون ليـا النـواحـي
واقلبي اللي داخـل فيـه فحفـاح
فحفاح قومٍ محتسيـن الصباحـي
تليتنـي تلـت معاويـد فــلاح
سواقهنـه مـا يـذوق المراحـي
قالليل سـرايٍ وفالصبـح سـرّاح
ودايـم عليهنـه بشونـه يلاحـي
يسقٍ لهن غرسٍ على العين مرتاح
يعدل عليه الجم فـي مستراحـي
ويامن سميه في سوى الحزم شبّاح
ياكم فجر من عين حسوٍ قراحـي
واسمه يبار الصيدوان جاك سرّاح
جافل وقافيتـه هبـوب الرياحـي
وياشبه عفراً للمداويـر مضيـاح
تجذب هشاشيل الخلا بالضياحـي
مرباعها بيـن النويّـع والأسيـاح
ومقياظها عد الرويـس الملاحـي
دوق الحنيـة
آه يافيحان مـن بعـد المسافـة = بين نجد وبيـن ريعـان الحوّيـة
راكب اللي يعجب اللي يوم حافه = زين صوته بالسيـور المعدنيـة
زين الصنـاع شغلـه بالكيافـه = ناسجٍ حوضه على دوق الحنيـة
يوصل اللي بان بالقلب اختلافـه = عيت الأيام تسمـح لـي مجيـه
شبه وضحى قيضت فوق اللصافه= ربعت بطبيـق وفيـاض الثنيـة
ماتلت راع الغنم مجيـف لحافـه = ثانية طق العصـى قايـد حتيـة
مع بلاوي زينهـا زود النظافـه = ماتمـشـت بالرفـايـع اضحويه
يلعب هوى
راكب اللي ساسه الطيـب ياشيـن النبـا
بارقينه نسبه الزين ساسـه عكـس تـاج
متر فـي متريـن مستبـرمٍ كلـه سـوى
حايفه حطـاب ماسمكـره راع الكـراج
منوة اللي لأهلـه مشفـقٍ وألهـم نـوى
يوم يفتح خط بين أربعـه ثـور عجـاج
يوم يفتل للحرق والغرق وسـط إنـزوى
ضد حرق وغرب والجمع ورجوم الحجاج
يوم أحـده بالثلاثـة مـع اللفـة عـوى
عـوي ذيـبٍ محتدينـه مربيـة النعـاج
ثابت ما يحتـرك مرسـيٍ يلعـب هـوى
ارتفع جب ارتخى مثل طايـرة المـراج
يرتفـع حطـاب بعصيـر لبنيـه رمـى
شرق غرب شمال بيمين الأبتر يـوم راج
عنبره والمسك سلطان من نـور السمـاء
والذهب خوذه وماء العود الأصلي يوم فاج
يابنت عيفي واحدٍ مايصلي
واقلبـي اللـي تلـه الـود تلـي
تل الرشا من فوق ملحـا جلالـه
في غربها تسعين فـري ومشلـي
وتجفل اليا سمعت ضريس المحاله
من واحـدٍ طـرق عليـه يهلـي
جدد جروح القلب مع ما جرى له
برمش العيون اللي هدبهن مظلـي
ضافٍ على بيض المحاجر ضلاله
يابنت عيفي واحـدٍ مـا يصلـي
تارك عمود الدين مالـك ومالـه
عيفيه لو يفرش لك البيـت زلـي
من لا يخاف الله حـرامٍ حلالـه
خلـي ملعـن والدينـك يـولـي
تلقين في نجـد المسمـى بدالـه
وعليك باللـي للجماعـه يهلـي
اللي كمـا النبـوة منـارة دلالـه
بالرجـل ثنتيـنٍ حداهـن يدلـي
من كبهن ماهوب ويـا الرجالـه
ان كان مابه دين مع زيـن دلـي
جعله من الدنيـا تقطـع حبالـه
يا كثر يا فيحان صبر صبرناه
يا كثر يا فيحان صبر صبرنـاه
أمس الشهر عديت باقي أسبوعه
لا تغبط اللي صار زوده بدينـاه
يتبع هوى نفسه وغير طبوعـه
مخطٍ طريق الحق غـادٍ بعميـاه
يجمع وسخ مـالٍ زوالٍ نفوعـه
أغبط تقي ٍ صـار زوده بتقـواه
عبدٍ لصوت الحق يرخي سموعه
يفرح بصوت منادي الحق نـاداه
عجلٍ على المسجد بطيءٍ ركوعه
وألا ترى الدنيا حـدودٍ مسمـاه
لا بد ما يقفي وتقفـي زروعـه
بلاد الشام
مـن بـلاد الشـام جينـا بالمكيـنـة=فـوق هـدسٍ مـا تخثـع بالطمانـي
يحتدي مثـل الجمـل تسمـع رطينـه= مـع طمـان القـاع مثـل الثعلبانـي
والشُفيـر مـن المـدارس مطلعيـنـه= عيدهيـن يقـدع قــدع الحصـانـي
قضلـة الطربـوش ناطلهـا يميـنـه= وعن ظـلام الليـل شـب الكهربانـي
كـل مـا جـاه تـل يلعـن والدينـه= باليميـن اللـي علـى كـل اليمانـي
ما تجيه يسـار رجلـه شـوف عينـه= غير يسـرى الطـار كـيً باليمانـي
يوم قال لـه الخـوي عاشـت يمينـه= شـد رجلـه للكمـك واحـد و ثانـي
يالله انك تنصـره مـن نصـر دينـه= إن عطـى لـه مـع غبـا ولا بيانـي
قلت يالمطنـوخ أنـا عينـي حزينـه= من شراب اللف أبيـه و عنـك كانـي
قد رمى بالكيـس قدمـي قـال وينـه= دوك ما بالجيـب عـن شـيٍ لهانـي
يقصدالكبريـت معيـه منـه عيـنـه= قدمناتـلـت غـرامـيـلً مـتـانـي
قلـت ثالـث قــال يالله لا تهيـنـه =قلت خامس قيـر يطلـب نقـل ثانـي
قال واحد و الكمـك واسمـع حنينـه= كيف مـا ترضـى عليّـه بالهوانـي
قلت واحد و الكمـك ضـام المكينـة=قال لي مـن يرحـم القاسـي ليانـي
قلـت والله يرحمـونـه صانعيـنـه= قد زعلت من اللهيـب اللـي حدانـي
قـال مـا تاثـق بمـن هـم متقنينـه= عن مشاور غير عرفـي قـد كفانـي
قاطع عرقيـن مـادري ويـن وينـه= قد وصلت الأرض و اسمع صوت ثاني
يـوم يرفـع مـوخـره قوالمكيـنـه= ارتفـع صـدره وانـا الشاورغشانـي
قلـت دوك الـلـف خابوشاربيـنـه =غطني عـن شـوف شيـئً ماخفانـي
قـلـل غــن وقلتـلـه بيالحيـنـه =قـال قـل نـاس ٍ خـوي ٍمانسانـي
قلت عـاش الشيـخ واللـي ناجبينـه= عــادة الطـيـب لياجاءجدعـانـي
ذيب النصارى وهي موجهه لسعيدبن مبارك
سالمين المنصوري
بديت ذكر الله بكـرة وأصيلـة
ربٍ خلق كل النفوس وكفلهـا
يا أهل الونيت اللي تزايد عويله
مكينته ذيب النصـارى شغلهـا
حده وقود النار وأبعـد مقيلـه
شرق يريد العين وادنى جبلهـا
إليالفيت العيـن أخذلـك دليلـه
لا تبدي الشكوى على غير أهلها
وأحذر يغرك من بسط لك شليله
كم واحدٍ يبغى العلاء ماوصلها
عليك باللي في القسى ينعنيلـه
اللي ليا قـاد السفينـه عدلهـا
السالمين اللي خطاهـم طويلـه
وسعيد زيزوم البلاوي فحلهـا
قل حاجتي يا بو مبارك ثقيلـه
ما كل رجلٍ ينتخيلـي حملهـا
أبغاك تدركهـا بحـالٍ وحيلـه
عساك تاجد عند ربـك بدلهـا
والا ترى الدنيا قريبٍ رحيلـه
كلٍ تبي نفسه تلاقـي عملهـا
مال ما طال
عز الله مـال مـا طـال ياسعيـد
مال السهـر واليـل طـوّل رقيـده
اللي من اول ليل مااخلف نوا السيـد
اقعد غريـق الهـم ليـن استعيـده
قم يا رشيد الحق وابااقول يا رشيـد
الله عليـك انـت مـن أيـا بديـده
اما البديـده منـك عنـد المواعيـد
ولا همومك مـن زمانـك زهيـده
ابااستفيـدك كـان جربـت وتفيـد
تنام واسمك حول الاسمى الرشيـده
لي قصة يشهد بهـا راضـع الديـد
يعدهـا غيـب الصـلاب لطريـده
طويـلـة عريـضـةً بالتماجـيـد
يشبعبهـا الطيـب فعـولٍ مجيـده
طويـلـة عريـضـة بالمناقـيـد
يشبعبهـا النمـام شيـن العقـيـده
جار الزمـان وعاونـوه الحواقيـد
اللي لهم مـن قبـل ذلـك حقيـده
يارشيـد يـوم اتعبتنـي بالتناشيـد
خذ لك من الدرويش زبدة قصيـده
الياعبـدت الله وكـثـرت تعبـيـد
ترى محمد صفـوة الخلـق سيـده
وترى ابرك الحجات يومٍ صدف عيد
جمعةٍ اسبوعٍ صادفت يـوم عيـده
واذكر لك الاجواد صـد وصواميـد
وانذال صـدت ولا مـن صميـده
واذكر لك اقشر ما على السيد والبيد
اللي طمع بنـت القصيـر الحديـده
فضحة قصيره عنده انه اكسب فيـد
سوالف بها للنـاس خطـو البليـده
سولف بجرحٍ مال جرحه تضاميـد
زودٍ لجرح الجرح ينشـر صديـده
من لا ستر خلات غـرات اجاويـد
هـذاك نقـال الخبيـثـات بـيـده
وليا وطاك اللـي وطانـي تراديـد
رد السـؤال ولا تحـيـر بـريـده
أضرب ثلاث بعشر واجمع تفاريـد
وافرق على العشـر القليـد بقليـده
واللي بقـى لـو تفرقـه للمواديـد
كم تفرقـه بيـن الوديـد ووديـده
خلّ اللـذي سهـوه تغنيّـه ياهويـد
كـلٍ سمعهـا يـوم غنّـت هويـده
ابتـد بحـل وكـل شـيءٍ بتفنيـد
تـروم ولا غيّـر اسمـك حميـده
أكفيك أنا يارشيـد حـل المراديـد
أنـا مجـرّب والتجاريـب أكيـده
انا الذي قـد مرنـي سلـك تجنيـد
خدمـت بـه مـدة سنيـنٍ عديـده
مرحول همٍٍّ كل شـيءٍ لـه أحيـد
أحيد زيـن وشيـن والهـم أحيـده
اسمع صريد القلب بيـن الحواديـد
حدنه الاضـلاع وأسمـع صريـده
صريد فرخًٍ حدّه أقطـم صواريـد
أول طرد قرنـاس ثانـي جريـده
هذا وأنا شفـت الـوزى والتزاهيـد
لاأقول حي ولاتحـت قبـر ريـده
والله مأهنى قاضي العمـر ترغيـد
ابـن اللئيـم اللـي حياتـه رغيـده
اهنـي الكلـب الحجـل بالمراقيـد
وضب الخلا لو كان ياكـل رديـده
تقطف زهر
عز الله أني عن هوى البيض تايب
لاشك ردتني على القـول سـاره
لا واهني من لاطرت له عجايـبب
عيونها اللـي للمهاويـن إشـاره
ياشبه عفراً ربعت فـي الذنايـب
ناشت عفيف وقيضت بالخضاره
تقطف زهر ما علفوها صلايـب
مزيونةٍ من يـوم كانـت حـواره
عزوة روق
يا سهيف الذرعان زين التعاجيب
والله ما لومك يا عيون النـداوي
اللي جعل شوقك بعيد عن العيـب
وقت الرخى ويكثرون العـزاوي
يا بنت عزوة روق تبي مواجيـب
تشمل قبايل روق وألهـا مهـاوي
قسمي بها يا بنت كسب من الطيب
والشاهد الرب الرقيب السمـاوي
وألا تراها في حـدود المواجيـب
وبالمدح أخص مكرمين الفـداوي
تحياتي <بن عويد > وإنشاء الله أكون ماطمرة ابيات
واللي عنده ملاحظة على الابيات يذكرها
تحياتي <بن عويد >