,
,
اكتب قصيدي وابدع القيفانـي=لجل الحبيب اللي ملكنـي حبـه
الفكر فكري واللسـان لسانـي=والشعر بحر(ن) والبحر له غبه
اسبح بحر وآخذ من المرجانـي=محسب على وقت الخطر محسبه
أنا احمد الله شاعر(ن) فنانـي=بيتي كما قصر(ن) عليه القبـه
رحت الجنوب لديـرة الخلانـي=دار(ن) احبـه والعبـاد تحبـه
اهله رجالٍ تكرم الضيفاني=وإن مامدحته للعرب ماسبه
جيت الحبيٍب عاشق(ن) ولهاني=ردالسلام وقمت انـا ارحبـه
الحب عشته معه عالـم ثانـي=عامين حب أهل الهوى تطربـه
ليلة خميس الشوق لـه ودانـي=على وعد شوفه وانـا متنبـه
شفته حقيقه شـوف بالعيانـي=وزود جروحي جرح معرف طبه
ينظر بعين الناعس الخجلانـي=ومن نظرته جمر المحبه شبـه
زوله وشكلـه قايـد الغزلانـي=عزالله إن قول المثـل يضربـه
أنا اشهدنـه ياعـرب سرانـي=ومعسول ريقه من شفاته صبـه
كامل وصوف وبالشقا شقانـي=لبيييييييه لبه من بعدهـا لبـه
ياناس لويدري وش اللي جاني=كان التدلع والخنـج قـد كبـه
يكفيه ربـي نظـرت العدوانـي=اللـي لاشافـه ماتذكـر ربـه
قولوا لخلـي يلعـن الشيطانـي=من فعلته فينـي يامكبـر ذنبـه
| التوقيع |
القصيد اللي معانيه وبيوته = بالاشاده والشهاده يمتلكها
ماكسبها من تحت كمه وكوته=لارسمها بالهواجيس وحبكها
جمل الله حال من جمل ثبوته = وانتخى دون الجميله ماتركها
كل متذوق لنا يدلي بـ/صوته=السعوديه .."حمد" (شاعر ملكها)
آلف آلف مبروووك لقب شاعر الملك يا د. حمد العصيمي
لتواصــل على الايميــل الجديد
n200m@hotmail.com |