[عتيبـــــ ولد ــــــــة]

أخوي القحطاني الله يغفر لك .. قل: آميـــــــــــــــن
يا أخوي بالنسبة لمعارك "قحطان" و "مطير" حنا ماعلينا منها إن كانت صدق والا كذب ..
إلي علينا منه هذا:

حتى أجلت قبيلة قحطان قبيلة مطير بكاملها ومن معها من القبائل مثل قبيلة عتيبه

و

فقد ذكر (إبن بليهد) بأن تركي بن حميد أدى الجزية للشيخ محمد بن هادي مثلما كان أبوه يفعل من قبله .

أخوي ..
إن كان الله سبحانه وتعالى قد كتب لكم نصر على "المطران" ويسر لك إنك تفتخربها الآن انتبه وأنا أخوك يامنك جيت تفتخر تزود عليه من هالرخيص !!!
يالطيب أي جزية وأي خوف ومدري إيش و...أنقذني ياحليب السعودية !!!
"هادي ابن قرملة"_ رحمه الله تعالى _ ندري كيف جته مشيخة "قحطان" (الله يخلي ابن سعود)
بعدين أنت(وفقك الله) جيت من الجنوب مثل ماذكرت آنفا ثم الله يهديك زعلت "عتيبة" وكانت هذه غلطة العمر بالنسبة لــ"ابن هادي" وربعه لأنها رجعتهم الجنوب بفضل من الله (مثل ما أتوا منه) ..
"ابن حميد" ما جاب خبر "ابن رشيد" _ رحمه الله تعالى _ يوم إنه يبا الجزية ..
مهب عاد "ابن هادي" ..!!!
إلا بالعكس زعل منه ودفه لين وصله "الحصاة"
عشان يعرف من إلي يطلب منه ومن إلي يجنب عنه ..!!!
واحمد ربك على العافية تراها وقفت على الحصاة وإلا مايردك إلا "صنعاء" !!!
وأنا متأكد إن بعدها راح نسمع بـ (سلطان صنعاء والجزية) !!!
ويكون في علمك لقبنا أيام مطاحن القبائل بـ "ذباحة الحايل *** لطامة العايل"
في حين لقب غيرنا بـ "كثيرين الحركة *** قليلين البركة"
أتمنى من الإدارة الموقرة إنها ماتمسح شئ من ردي لأن "القحطاني" الله يصلح قلبه جاب معاركه مع "مطير" وفي الحقيقة إنه مدخل فيه دسائس ليكمل بها موضوعه إلي اغلقته الإدارة وإلي يكذب فيه طردت "ابن حميد" لـــ"ابن هادي" (رحمهم الله جميعا وجميع المسلمين والمسلمات) ..
واسم الموضوع:
"الكلام الفاصل بالنقط والفواصل لما يزعم به ابن بليهد بين قحطان وعتيبة" ..
ما أقول إلا الله يصلح قلبك يا القحطاني ..
اتمنى ما تزعل مني تراك غالي وقبيلتك غالية لكن من حقي أرد على كلامك وأدافع عن شيوخنا ..
وأنا مارديت على معاركك مع "مطير" لأنها زي ما قلت ماتهمنا ..
والســـــــــــلام ,,,

ولد عتيبة الروقي

آخر تعديل عتيبـــــ ولد ــــــــة يوم 07-Jun-2007 في 11:10 AM.