[أبو جواد]

تــــــــــــــــــذكـــرنـــــــــــــي
تذكرني سوا ليفك رجلا تعشق النوماس
تحب الطيب قول وفعل ولا غابت طواريها
يذكرني زمان أول زمان الشيح والبس باس
زمان الــعز والنخــوة تجــــسد في مـعانيـها
يذكرني ظــلام الليل بجلــسات لها مقيـــاس
لها شـيمه ولها قــيمه ولها معنى يجاريها
تــذكرني سوالــبفك رجــالا كلها إحســــاس
قبل تحكي تقول أصبر علومك لبش مخفيها
وتقرى العلم من راسك ولا تعرف غثى القرطاس
ولا تـــقرا ولا تكـــتب ورب الكون محــييها
يذكرني زمان أول بشب النار باالمقباس
ونجـــرا دن مــن دنه يــده للجود مصـــخيها
تذكرني نجوم الليل وجود الخير بليا ياس
تجـــــمع باالظـــــلما ودلـــيل الناس يباريــها
تذكرني بيوت الشعر قوة صبر رغم إلباس
هذا يــنزل وهذا يرحــل وهذاك هناك يبـــنيها
يذكرني طلوع الشمس براد الصبح والنسناس
قــــبل تطلع علينا الشــمس مفارشنا نطويــها
كذا كنا وكذا عشنا وهذا دربا لنا نبراس
فــــعول أجــدادنا الحــلوة تـــفرحــنا ونبـــكيها
هنا كانت مرابينا هنا عشنا عل أجمل ساس
هــنا رسمت لنا خــطة بطــول العــمر نمشــيها
كذا عاشوا وكذا عشنا وتراهم ناس وحنا ناس
وش والـــجاري وش الحاصـــل مــباديــنا نخلـــيهـا
هنا أوقف غزير الدمع على ماض مثل ألماس
فــعول أجـــدادنا الحــلوة مـن أولـــها لــتاليــها

آخر تعديل أبو جواد يوم 22-May-2007 في 11:40 PM.