[نواف العازمي]

المشاركة الأصلية كتبت بواسطة صنداح الزلامي

بســـــــم الله الرحمن الرحيـــــــــم
اخوي ذيب العوازم تلقيت ملاحظاتك واستقبلها بصدر رحب يعلم الله أن الموضوع كما ذكرت
وان الشك يرلودني في البيتن الاخيرين ولكن العذر واسموحة اذا كان هناك بعض الملاحات الاخرى


القاف شاب وشابت الروس ياذيب******** وانا معك ياذيب حتى النها يه
ياذيب لك عندي حقوق ومواجيب ********* وابشر بما يرضيك وسمح خطايه
وياذيب انا مابي ومابك عذاريب ********* شعار ولنا فى المواقيف رايه
وان كان تبغاها بخضر المشاعيب ******** لنا على الله يابن عاصي حمايه
وانا معك ياذيب يامورد الهـــيــــب********* بسيفي ورمحي والحصان وعصايه

من طيبك يالزلامي واشكرك على الكلام الطيب واسمحلي ارد عليك بقافيه ثانيه
ياسلامي على صنداح ولد الزلامي...............................والتراحيب لك مع وافر الاحتراما
اول المبتدا نرسل عليك السلامي................................جعل ياصلك مع ريح النفل والخزاما
انت رجال واسمك من كبار الاسامي...........................والمواقيف ياصنداح ياما وياما
ماحصل بيني وبينك كلام بكلامي................................ماعليكم عتاب ولا علينا ملاما
والتحيات مثنيات لك في الختامي...............................عد من في الحرم صلى ولبس الحراما