اقتباس:
|
المشاركة الأصلية كتبت بواسطة منصوور العصيمي
××× الأبيـــــــات×××
يا الله ياللي بالخفيـــــــات عـــــــــــلام
يا اللي جميع اعمال خلقه رصــــــدها
يا واحـــدٍ تغفـــــو المخــــــاليق مانـام
تجيـرنا مــن من جيوشه حشــــــــدها
ناسٍ سعــت ثم شوهت وجه الاســلام
باعــــــت عقــــايدها وباعت بلـــــدها
كم غــــررت بعقولهــم كثر الأوهــــام
وكـــم دميت كبــــودٍ تزايد حســـــــدها
واللي يضيـــــم الديـــــن لابد ينضــــام
الأم تبـــــــــرى منه لــــو هو ولـــدها
ياكم طفلة حسبـــت حســـــــاب الأيتام
باعو سعادتهــــــا وكسبـــــوا نكدهـــا
لان ابوهـــــــا كـــان للعهـــــد لــــزام
والنفس ماتمهل ليا جـــاء وعدهـــــا
تشوف أبوها بس في وسط الأحـــلام
وليا صحت قامت تلـــــــوح بيدهــــــا
فعلاً تراجف منه قمات الأهــــــــــرام
هذا مثال وغيـــــــــــره امر وادهـــــا
ودام الشهادة ترتفع فــــــوق الأعلام
الدار تنخـــــــــــــان وحنا سعدهـــــــا
تبشر بنا حنا لهــــــــــــــا درع وحزام
كما جبال مايزعزع وتــــــــــــــــــدها
معـــــــــك يابو متعب وقــــدام قــــدام
حنا رجـــــــــال ماتخــــون بعهدهـــــا
لو انهــــا حــــــرب القنابل والألغــــام
نموت والـــراية محـــد يضطهدهــــــا
عشنا بها يوم انهــا حـــرب وخصـــام
واليـــــــوم كـــلٍ نعمة الله حمـــدهــــا
ويا الله تحفظ دولـــــة من ميـــــة عام
أرست على حكم الشريعة عمدهــــــا
ساد التآخي عقب ماكانوا خصـــــــــام
وعمت نعم ربي ولا أحصي عددهـــــا
اعلـــــم بشكـــر الله تـــــزداد الأنعـــام
كـــــــم نعمــة زالت سبب من جحدهـا
|
ما شاء الله تبااارك الله
بهذي القصيدة أصبح عدد المعلقاات ثمان ......