[الجـذع]

ســـلطان :

مرحبا واثني الترحيب في موقـع عتيبـه=من هجوس مدها كافي ووافي مـن وفاهـا
لي صحيب كل يوم اقول ليـت الله يجيبـه=وجابه الله حظ (نفس)جيته ((غايه مناها ))

فــــيصل :

البقا ياراعي الترحيـب والكـف الخضيبـه=هات ماعندك وخل السالفه تزحـف وراهـا
جابه الله وانت ماتدري وش اللي وسط جيبه=وكل نفس ٍ يالجذع ما تبحث الا عن دواهـا

ســـلطان :

يوم لديت النظر لسهيـل لاتنسـى رقيبـه=للرفاقه حق فوقك وانت لك حـق علاهـا
سرت درب وباقي لك درب أبه حث النجيبه=خلها حجه وحاجه ليـن تاصـل منتهاهـا

فــــيصل :

ياولد ماكل ليلٍ فالليالي ينسري بـه=والرفاقه بعضها ما ودّنا نبحث خفاها
والمشاوير البعيده والمشاوير القريبه=حاسبين حسابها والناقصه تبت يداها

ســـلطان :

علموا فيصل بعلمي كان مـره مادريبـه=مير ماينلام حول غبـه ماابعـد مداهـا
كاننك ماطعت شوري تاتحول في مصيبه=سيره امجادك تشيل مع الزمن بذره فناها

فــــيصل :

هيه ياسلطان انيشنها على حبّة زبيبـه=بندقي ماهي مثل بندقك ثارت في خباهـا
والله ان الوقت ماهو شي والدنيا غريبه=انته امن انته عشان تعكّر امجادي وماها

ســـلطان :

المصيبه ناصبن لك فالجبل ميه ضريبـه=وانت جيت بطلقه وحده وثارت مع سماها
شب نارك دون دارك للطليب اقبل طليبه=تدري انه من تراخا عن لزومه ماحماها

فــــيصل :

لاتحاول تنقض الحجه رضا ولا غصيبـه=راعي النيشان في ثنتين يرمي في حداها
لاتحاول تنقض الحجه رضا ولا غصيبـه=راعي النيشان في ثنتين يرمي في حداها

ســـلطان :

راعي المال الزهيد مع العرب وش يشتري يبه=والسلع في داخل الاسواق يشكى مـن غلاهـا
تاتروح مااحتماها سيفك اللـي تعتـزي يبـه=رد هذا العلم عنـي عقـب مـادارت رحاهـا

فــــيصل :

يشتري به طوبةٍ تاقف على قبـرك نصيبـه=وانت وش دراك عن فقر الرجال وعن ثراها
كان عينك ماتشوف الدرب واحوالك عجيبه=ماني بمسؤول عن عينك وعن شيٍ عماهـا

اللللليل ياهل الجيييييش والخييييييييل



<<<< يعاين فابن نميان فالصفوف المجاوره