المناسبة :
بعد إنتقال الشاعر سفران القثامي من ينبع إلى مكة المكرمة أرسل هذه القصيدة إلى العتبان بينبع وخص فيها الشاعر ((ابــو فــهــد)) فواد بن سعد بن عماش الحافي العتيبي وإليكم القصيدة مع الرد :
يا راكب اللي مصنع الشرق جابه= عليه من زين الوصايف عجوبه
دقة سويكه قبل تقفيل بابه= نغمات عود للغرام عزفوبه
و تغنجه في مشيته و انسكابه= تغنج اللي في ليالي الخطوبه
آخر موديل مورده دوب جابه= عشاقة الفكس آر ما سيروبه
عليه شغموم بليله سرابه= دوبه عليه و مطلع الفجر دوبه
و ليا تملك طارته وألتوابه= ثلاث ساعات الطريق محسوبه
ملفاه ربع من مقادم عتابه= ربع بهم بعض الديار محبوبه
من شانهم ينبع عشقنا ترابه= نفرح ليا من الحياء طاح صوبه
عيال الشيوخ اللي سوات الذيابه= ترتاح بالمجلس ليا سولفوبه
رجالهم حر سريع لبابه= ما هوب خنزيرن تنفخ ذروبه
عتابه ليا جات المراجل نهابه= ماهيب في طيب السلوم مغلوبه
و الطيب من صنعاء ليا ضلع طابه= وغرب وشمال وشرق نجد وجنوبه
جزيرة ربت سراحين غابه= يسبق بها مبدأسهيل بهبوبه
يابو فهد ياريف جمع القرابه= اللي ليا ضاق الزمان اعتزوبه
الوقت جابه يا حمر العين جابه= بعض الأمور اللي ماهي بمحبوبه
لين إنها صارت أمور تشابه= ويفق عليها و النفوس مغصوبه
يالله يا منزل لعبده كتابه= ياراحم عبد كباراً ذنوبه
تحمي بلدنا يالاله بشبابه= و تجعل لهم رزق وساع دروبه
الوقت للي ما يحسب حسابه= يأتي و يرحل و البشر ما دروبه
واسلم وسلم يا فتى بالنيابه= على الرجال اللي تفك النشوبه
الشاعر/ سفران بن ساير القثامي العتيبي