ابسألك للشاعر خالد ابو صليب
أبسألك ليه بهوايا تماديت *** اهو دلع او هي قلايل ربايا
معقولة يعني في عيونك تساويت *** مع الغريب اللي عديم السجايا
والله كبيرة في حقوقي تعاليت *** هذا الجزا تطعن بيدينك حشايا
نسيت رجل ٍ في ايدينه تربيت *** رجل ٍ يعلمك العدل والخفايا
وفيت لك في كل الاحوال وفيت *** غمضت عيني عن خطاك برضايا
أبعدلك لكن عليّا ترديت *** الطيب مابين بنسل الردايا
مابي اشوفك بعد ما انا تصاحيت *** حتى طيوفك لاتعانق سمايا
مثل الهوا شفتك وبعدين ولّيت *** حتى سرابك ماعكسته المرايا
أببتعد واهجر شوارعك والبيت *** قلة أدبكم عجلة بالنهايا
رح في طريق ٍ في دروبه تهاويت *** تحت الثرى شيّع نهاية عنايا
اقسم قسم.. لو شفتك بيوم حنيت *** لادوس قلبك بالقدم من قسايا
آخر سؤالي ان كان بالحق رديت *** قل لي بربك وش سبب هالسوايا