اقتباس:
المشاركة الأصلية كتبت بواسطة أبو خالد الروقي
الله يذكرك بالخير يالداهنة
و تذكرت قول احد الشعراء و هو يقول :
عمن ترحل ساري الدارياعين=اتعلميها وانشدي ياحزينه
قولي هلك يادار منك غدوا وين=من بك وقف ينشدك ماتخبرينه
هل نرتجيهم هم على الأرض حيين= لوهم مع من في المقابر دفينه
قالت حشى ماهم تحت الأرض فانين= أمس الضحى عني غدوا بالضعينه
مدوا على شبه القنا والعراجين= هجن جليلات المرافق متينه
يومك تراهم يا محمد مقفين = عنك ولا ما عشرتك زا هدينه
راحوا وهم ياولد خالد معيفين= ما اظن هم لك بالوصل منتوينه
حيث انهم منك حماسى وزاعلين= نياتهم راحت وهي مستشينه
قلت اسكتي عن ذا الخبربس تكفين=يادارنقضتي جروح دفينه
هذا الخبر ياعين هلي النظيرين=بالك لدمعك عقبهم تذخرينه
أبكي على لاماه حتى تذوبين=يمكن تروف قلوبهم يافطينه
والاعساهم لي بكيتي محنين= أبكي عسى ببكاك تبكين عينه
فان هملوك احبابك اللي تودين= وين الذي من عقبهم ترتجينه
قلت أه يا نفس بجوفي تلوبين= ويلاه من قلب تزايد حنينه
وايش بك على طول الليالي تونين =ماتهجعين الليل كنك طعينه
وبعلتك في كل يوما تزيدين = وايش قوم قلبك مايوني ونينه
قالت على فرقاى شوف المحبين= والوصل يوم انزاح واقفت سنينه
واللي تبدوا لي سواة المعادين= عقب المحبة واظهروا لي ضغينه
من هجرهم فوق الثرى طحت وانا طعين= بقيودهم رجلي تلوت سجينه
يالله عساهم لي ولوني معفين=عني وحال لي نحل راحمينه
ولا لعل قلوبهم لوبعد حين= تصخف ويذكر كل خلا خدينه
لين ادركوافرقا الفنا واقبل البين=يمكن تصير قلوبهم مستلينه
وبحق من نزل تبارك وياسين=رب ألوذ بعزته واستعينه
اللي حكم في خلقة أدم من الطين=مولاي واجرىبامر ه نوح السفينه
والحمد والفرقان والنور والتين=والعرش واللي دوب هم حاملينه
واللوح واقسم بالقلم والموازين=واسرار" با " اسمك الاهي وسينه
والحج والكعبة وسيد النبيين=المصطفى اللي حل بأرض المدينة
نذرا علي إن عودوا صوم ستين=لله وارجع للهدى والسكينة
واتوب عما ليس يرضيه واهين=نفسي على شانه وهي له رهينه
توبه لمن يغفر ذنوب المضلين=استغفرك يا عالم بالكنينه
|
صح السانك ولسان قايلها , اتمنى ان تذكر اسم صاحب القصيدة , حفاظ على حقوق الشاعر
تحياتي