محمد بن طمحي
يامرحبا ترحيب مع منهجك ياصفوة قريش
رسولنا اللي دعوته نوّر علينـا نورهـا
ترحيب باسم عتيبه الهيلا قيادة كل جيش
قوماً نسّر صدروها قوماً نقص ظهورهـا
صقر سليم
دام البقى واللي على منهج رسول الله يعيش
كمل فروضك حج مكـه والمدينـة زورهـا
والنعم بالهيلا لكن المشكله غش الغشيـش
يا كبرها ليتـك مخليهـا تسّـر صدورهـا
محمد بن طمحي
ياشاعر السلمان ليش تغيّر الاهداف ليش
اهدافنا اهـدافً نبيلـه متغيّـر دورهـا
ماهي غريبه من سليم اللي قرابه للدويش
الله يرحمهـم ويرحـم عالـمً فقبورهـا
صقر سليم
تجمعت سود الحيايا فـالجحور الهـا وشيـش
متكسـره نيبانهـا لـو سمهـا فـنحـورهـا
ترى الرياض العاصمة ماهي سوات أبو عريش
حنا خناذف مـن رياجيـلً حكيـم ً شورهـا
محمد بن طمحي
أنت تعرف طير السعد ماهو بطير بدون ريش
ايزوركـم يـوم الليالـي ماتطيـر طيورهـا
وأن كان ضايق من كلامي يالبقيلي ماعليش
علتك ياجاري قديمـه ميـر أنـا دكتورهـا
التوقيع |
AL-frahedi@hotmail.com
|