الله من واحدٍ مجروحتن كبده = حظه جرحها ولابه واحدٍ ثاني
حظه مع الوقت دايم ياعرب ضده = حقيقة واضحة موجود برهاني
ياحظ وشبك عليه دايم الصده= وياحظ وشبك مع الأيام تجفاني
متغيرٍ فوقنا ياحظ لك مده = ولا ينكب العبد غير الحظ لا خاني
ليا بنيت البناء شمرت وتهده = خليتني هرجتن لفلان وفلاني
لكل منا يبا ياقف حده = ماني باغيك كان انته متبغاني
حظٍ مهول ودايم يرغب الرقده = أشوف منه العذاب أشكال والواني
الظاهر أبجلده مني مئة جلده = يطيعني الحظ ولا عاد يعصاني