قصيده قلتها في بعض المزح الي ماله لزوم وبعض سواليف المجالس...
لعنبو مزح الرخـوم اللّـي مافيـه الاّ النقـاده=ولعنبوا كثـر المهايـط والمخايـط واللجاجـه
المجالس بعضهـا صـارت يـادادي يـادداده=يـادداده يـاددادي مالـي بطريـاك حاجـه
السوالف بعضهـا مابـه صـلاح ولا فيـاده=أول الهرجه ضحوك وتالي الهرجـه هماجـه
عادة ً ماخس منهـا ياوجيـه الخيـر عـاده=صار بعض الناس يشبه للمحرّج في حراجـه
وافسـاد الوقـت الاقشـر وافسـاده وافسـاده=والحظيظ اللي يصون لسانه ويلقـى خراجـه
وخير من بعض الوجيه فراش ولحاف و وساده=لو اصاحب هندي وسندي واخاوي لي خواجه
الليـالـي علمتـنـا واكرمتـنـا بالشـهـاده=صحبة العاقل وسام وصحبة الجاهـل سماجـه