ياهجوس الشعر والله ما اسريها جلا
لين اوردها على عدٍ ينومس من رهاه
وانتقي من حالي الابيات وازيده حلى
وافرك المره لمن قلبه مثل حيد الطراه
يا سلام الله سلام اللي على الطيب اعتلا
باسم عبدالله وباسمي واسم من عشت بذراه
يا منابيع المراجل عدٍ لكلمة هلا
يوم جانا العلم تمينا وجينا من ولاه
من المصيف لبحره نحث الركايب من غلا
من غلا عبدالله وحشمه لمن بين غلاه
ذخر ابو فيصل ذرانا يوم صكات البلا
راعي الوجه البشوش ولا يخيب من نصاه
يجذبه برق الطناخة خص من بد الملا
كن مابه طيبٍ الا قد روى منه ورواه
نفتخر باسمه وباسم جدوده رموز العلا
ونفرح ليا سموا الاجواد شغمومٍ علاه
افتخر في مدح رجلٍ دونه الدنيا خلا
كن مافالكون غيره لو يصطك باشبهاه
تمت وصلوا على اللي عنه قلبي ماسلا
صفوة الخلق ورسول الله وله حق الصلاه