[ابن رووق]

يا راكب اللي يطوي الخط عجلان
جيبٍ جديدٍ تو صدّر مديله
جيبٍ على قطع المسافات طربان
يجلى هموم القلب لوهي ثقيله
ماهوب من وارد عراوي ونيسان
فكسار ماورّد علينا مثيله
يا سايقه شغّل واخذ وضع الامان
واقضب دركسونه ولااشتد حيله
نصّه لقصرٍ يشبه لقصر دسمان
معروف وصفه ما يباله دليله
قصرٍ مشرّع من ورا ضلع هكران
فيه الشحم والطيب في كل ليله
وإليا وصلت القصر والعلم نيشان
تلقى ندى راع العلوم الجزيله
سلّم عليه وقلّه مثيب شرهان
شرهه ما تاصل للعلوم الهزيله
شرهة عتيبيٍ ن على زحول عتبان
أهل المكارم والسيوف الصقيله
آلاد كرشم فالمواقف لهم شان
قوم تحوش الكايده والثقيله
تم الكلام وزبدة الهرج عنوان
وصلاة ربي عد وبل المخيله
على النبي الهاشمي نسل عدنان
شفيعنا راع الصفات الجليله

# مثيب الذيابي

يامرحباوالله يحيي هل الشان
اهل الكرم واهل النقا والجزيله
الادذايب فعلهم في العدا بان
يوم المغازي والسيوف الصقيله
قبيلتن تبقا علي طول الازمان
والطيّب ينومس بطيبه قبيله
وياحي مرسولن لفانا علي شان
شرهة رفيقن مالقينا مثيله
شاعر وشيخ وسيرته بين الاقران
ياحي هالسيره وحي الفضيله
وبعض التشره تاج من فوق الامتان
والباب فاتح لرجال الاصيله
انقدم الحايل لو تزيدالاثمان
هذي عويدنا لكسب الجميله
ولو كان جوالي هاك اليوم خربان
ماعاد في الاوضاع يامثيب حيله
ويوم الخميس اقلط علا حايل الضان
انكرم الضيفان في كل ليله
هاذي عويدنامواريث جدان
عهدن قديم ولا ندور بديله
ومثيب لوانه يغني بالالحان
تراي اعرفه من ليالي طويله
والعذر تم وكل بيتا بسيسان
ولا ندخل الا لبيوت الضليله

# ندى الكرشمي

آخر تعديل ابن رووق يوم 13-Oct-2014 في 01:34 PM.