لوإن المنى ينفع تمنيت ألا ياليت
معي مال يعجز في العدد من يعدونه
ثم انتقي في بيوت مكة هذاك البيت
بجنب الحرم واصلي الفرض في ركونه
وللضيف لامن مر كلمة هلا حييت
أشرّع له بابه ولا أصك كيلونه
وأداري على المحتاج لن رحت وإلاجيت
وأصّدق عن اللي مات ماعاد يطرونه
ألا يالله إني طالبك وأنت محيي المَيْت
ياعالم بمافي صدور خلقك يكنونه
رجيتك تجنبني عذاب القبر لاقفيت
لاقاموا علي تراب قبري يهلونه
ويارب لاتأخذني بسوء ماسويت
بلارحمتك جنتك ماهي بمضمونة
وأنامدري من العمر وش عادلي بقّيت
عسى الخاتمة برضاك يارب مقرونة
تم الإرسال بواسطة iPhone بإستخدام Tapatalk