هذه قصيده لشاعر كبير وقديم محمد الفوزان رحمه الله من اهل الكويت
ياليت من يسلم من القيل والقال
مهارجٍ مامن وراها نفاعه
والكايده ماكل من قال فعال
من عادة البايه ترده طباعه
اصحابنا هالوقت يا خيبة الفال
لو هربدوا وياك عدوان قاعه
والصاحب اللي ما يفيدك الى مال
وقتك فذا منه بيان القطاعه
وان كان ما ينفعك في ساعة الحال
وبالآخره ماهوب راعي شفاعه
اصبر على ماشفت تغير الاحوال
صبر الحسام بكف راعي الشجاعه
كم من صبورٍ نال غايات الآمات
وكم من جزوعٍ فلسته الجزاعه
واعرف ترى بالمال تصليح الاحوال
والا الفقر مافيه كود الشناعه
رجلٍ بلا مالٍ فلا هوب رجال
لو هو على الجسره طويلٍ ذراعه
رجلٍ معه مالٍٍ ولو شفته احوال
مقبول عند الناس لو هو رعاعه
ورجلٍ معه مالٍ ولاهوب بذال
لاخير في ماله وكثر اجتماعه
ماعنده من المال ماهو له بمال
موضعٍ عنده سواة الوداعه
ظليت حاير يوم سويت الامثال
بشوف من للرد فيه استطاعه
طالعت مامن كود كساب الامثال
اللي بنظم الشعر مرهف يراعه
عبدالله السامي ومن بالشعر نال
فخرٍ وبالآداب زاد ارتفاعه
عساه يتحفتي بردٍ الى قال
نظمٍ يرنحني لذيذ استماعه
لازال محروسٍ بتأييد واقبال
في نعمةٍ تطغي عليه القناعه
ولها رد طويل