بسم الله الرحمن الرحيم
هاؤلا من فرسان وشجعان قبيلة الحفاه الذين شاركو مع باقي القبائل في توحيد المملكه مع الملك عبد العزيز طيب الله ثراه تحت راية لااله الاالله محمد رسول الله
اسماء الذين توفو في معركة جيزان من قبيلة الحفاه وهم اكثر من ثلاثين ولم نعرف منهم الا المذكورين الذين ذكرة اسمائهم في القصايد .؟
(البعض من القصايد)
قصيدة : غازي بن مبيريك الوصاري .. طويله. منها
من فارس الفرسان راعي العوايد *** وبومحسن اللي كيف تجبر صوايبه
وملحق وبن معجب ومطلق حتينهم *** وابو شيبه اللي ماتدرهم ركايبه
وذعار بن عبدان يا جاهلن به *** اللي نهار الضيق عطبن صوايبه
ان بانت الجبهه فهي منوتله *** وان ارتخت ميقاعها في ترايبه
وسويلم الممدوح راع العوايد.. *** ............................................
وبن وسمي اللي ما خبرنا حتينه *** ولا تسمع الخرماء طوارف قرايبه
ان حولوا محوالهم ينقص العداء *** تصبح قصص غاراتهم منه شايبه
قصيدة : عفات بن مرزوق الصقري ..طويله. منها
عوض النضي نكفن سرور *** اعوض الندم عقب اهلهنه
خلن بوادي العريش اصقور *** الله يعوضهم الجنه
كم جادلن دمعها شختور*** من حرة جرة الونه
عقب المقاهي ودق نجور*** تذري السوافي علاهنه
خلن سالم وبن صمعور.*** واميرنا التوم خلنه
قصيدة : صلف بن راشد بن تركي بن هثيله..طويله .منها
يوم(ن) ضرب الماس للي توحاه *** يشدي زلازيل الرعد في الكناني
لا واجمالي واجمالي جمالاه *** والحشو ما تشتال عشر الوزاني
راحو اكما طي(ن) مقامه تقفاه *** سواة طي(ن) يوم طاح امتداني
سواة طي (ن) يوم يرجف على ماه *** وابوي واعمراه والعمر فاني
غازي و فايز والرجال المسماه *** ون جيت اعد فلان غيره فلاني
وذعار بن عبدان وعز حالاه *** وان طار ستر امحنيات اليماني
ترم العشاء المعكف الريش يمناه *** لاجاء نهار(ن) ماش فيه ارحماني
قصيدة : بريك بن مبيريك الوصاري.. طويله. منها
لو جيت اصبر واصطبر واتصبر *** يطري على قلبي رجال(ن)باسامها
سويلم وابن زامل وغازي وفارس *** وعوض وسالم لكل عين(ن)لطامها
ومرزوق وقعيد وملحق وفايز *** وذعار ياذعار السرايا كعامها
وفارع وب معجب ومطلق ونايض *** وبن وسمي ان جات الصمايل خطامها
قصيدة باجد بن عوض بن بن متلع بن هثيله طويله ومنها
الا يا حسوفي ياربوع(ن) ورى نجران *** لعل النجوم تهد هاك الضلاعيني
على غازي اللى مقدم السربة الضفران *** ليا جاء نهار الضيق يتخا المسميني
وعينت ابو شيبه وعينت ابن قشعان *** تقفو ربوع (ن) منقع الصدق والديني
ولها تكمله ولم احصل عليها
** واكيد فيه قصايد غير التي ذكرة والذي يعرف قصائد اخرى يفيدنا بها **
بعض المذكورين في القصايد
الشيخ / غازي بن سهل التوم
فارس بن طلق التوم
ملحق بن سليم التوم
مطلق بن معجب التوم
ذعار بن عبدان بن هثيله
سالم ابو شيبه الرقاص
سويلم بن زاهي التوم
(...... )ابن صمعور الجحوفي
(......)ابن وسمي الودار
ولبقيه لم يعرف اسماء ابوانهم والا اي فخذ ينتمون اليه مع احترامي لهم ومن يعرف يفيدنا بسمائهم
واحترامي للجميع
آخر تعديل الكرمان يوم 07-Mar-2013 في 02:39 PM.