[سلمان العرم]

المدح في بعض الرياجيل نوماس
ولا بعضهم والله انه نقاده
لاصرت ماتمدح وفين من الساس
لاتمدح الي تو ذعذ براده
ونا لايامني مدحت اضهر الراس
ولاني مادح غير حسب الايراده
امدحك ياللي بالوفا مالك اجناس
يالي سعاطير الكرم فيك عاده
يانايف ابن فهيد ياطيب الساس
ياراعي الوقفات رمز السياده
للمرجله عاشق والطيب نبراس
واعندك كلام الطيب سهل اصطياده *
انته امير للسياسات غطاس
انشهدنك تستحق الاشاده
كفك تمد الطيب من دون مقياس
عندك الحشوان المجاهيم اباده
ومن جاك يشكيلك من*الضيم والباس
قمت وتعزويت وحزمت الصماده
ينصونك الاجواد من كل*الاجناس
وانته امير الفوج كفو القياده
يومن غيرك رافعه حبر قرطاس
انته اميرن مارفعتك الشهاده
رفعك فعل ابوك من بين الاقواس
*اقولها وعندي عليها شهاده*
ابوك أميرن وقفته ترفع الراس
منسى مقامه عند حاكم بلاده
يومه نخاه جفين في شدة الياس
فزع لأبو خالد وحقق مراده
وجدك اميرن يلبس الدرع والطاس*
كم راس شيخن سدحه في الحماده
خصيم جدك ماكسب غير الإفلاس
يومنها قامت عليه القراده*
وانته حفيد شيوخنا ماترئ الباس
وعساك تنعم بالهناوالسعاده*


* * * وسلامتكم*
* * * * * * * * * * *الشاعر* سلمان العرم*

آخر تعديل سلمان العرم يوم 10-Dec-2012 في 08:35 PM.