يتجدد اللقاء بين عمالقة المحاورة الشاعر حبيب العازمي والشاعر محمد السناني حيث
تقابلا في مكة مساء الثلاثاء 10/10/1433هـ بقاعة ليلتي للافراح وحظيت الحفلة بحضور جماهيري كبير
وكان متواجد بالحفلة الشاعر عبدالحميد الفهمي والشاعر صقر سليم والشاعر فالح الغنامي والشاعر
سعد بن رمثة ومن أبرز ما دار فيها طاروق بين الفهمي والسناني وطاروق بين حبيب والسناني واترككم مع طاروق
حبيب والسناني لإبداء ملاحظاتكم وتحليلاتكم النقدية
حبيب
المحاكم للقضاة وللقضى مفتوحه=ياولد متروك سلم حجتك للقاضي
كل ما قابلت شاعر قام يمدح روحه=مير أنامشغول عندي شغل ماني فاضي
محمدالسناني
زلة تكتب عليك وزلة مسموحه=والله أن ما نبا نزعلك وانته راضي
بعد ما انك معترف بالخطه المفضوحه=راجع اوراقك وفكر في الزمان الماضي
حبيب
القسيمة ماتتم الا برقم اللوحه=والعدود اطوال والضميان يرد الحاضي
لا تقص الجرة اللي في الثرى ممسوحه=الذيابه في جبلها والحلال ارباضي
محمدالسناني
المقاول له نظر في مناقصة مطروحه=والمهندس حط ختمه وانته المتغاضي
الله اكبر يالزمان اللي يعيد اجروحه=المياه الراكده لو خضها الخضاضي
حبيب
وش نبا في لحمة الموقوذه المنطوحه=والمداوي ما يصيح الا من اجل الشاضي
لا تهيض يالسناني يوم غنت توحه=الجنائز يامحمد فوقها الانقاضي
محمدالسناني
عرش كسرى من يقول انه تطيح اصروحه=واصبح المفتاح مع عايض ومع عياضي
رحلة البحرين مجبورة تمر الدوحه=فكرو في كلمة التسواد والتبياضي
حبيب
عرش كسرى في البلاط استندته مطروحه=لو تعوض باربعيناً فيه ما تعتاضي
العرب تأكل وتشرب في ظلال الدوحه=وأنت من جوعك تدور في الجبل حماضي
محمدالسناني
الحلال يعوض الله والدماء مسفوحه=عوضوا برقا وروق في باقي الاغراضي
قالوا إن الخردوات تباع في منفوحه=والدروب اللي توصلكم طوال اعراضي
حبيب
الكريم اللي عطاك اللقمه المملوحه=لا تعض يديه يابو برطماً عضاضي
قالوا إنك يانصيب مهاوياً صبوحه=مير نوباً تجبرك بالفرض ماانته واضي
محمدالسناني
لا تحسبنك خرجت بمنحة ممنوحه=خارجاً يوم الشنب قرب له المقراضي
المكاحل دبرت واهتزت الارجوحه=وانفقد منك الامل والخاطر الفضفاضي
حبيب
ماعليه اللي على الطوله تطول اشبوحه=لو يطب المعركة يطلع وهو متقاضي
المريض اللي من الحمى سمعنا نوحه=لوما زار الطبيب تبين الاعراضي
محمدالسناني
عام الاول يوم كنت تعيش في بحبوحه=ما يشيل معلقاتك غير سوق اعكاضي
زادت الحمى وجات اصواتكم مبحوحه=والعلاج اللي خذيتوا زادها نفاضي
حبيب
في الحسينية تركتك ياحسن فتوحه=اكل من لحم الدجاجه واكل معها الباضي
ليه تشرحها وهي متبينة مشروحه=العرب تطبخ عشاها في لهيب اللاضي
محمدالسناني
الحسينية تهمك حضرتك ممدوحه=واستدارت بين لفت عين والاغماضي
يوم كنت اخر ولد نفسيتك مصلوحه=قبل سيسان القصور يقضها القضاضي
حبيب
كلما طح طح محمد شجعوا طحطوحه=وإن ركض قالوا محمد ماأقرب المرقاضي
[/align]
آخر تعديل السفراني يوم 30-Aug-2012 في 11:14 PM.