ابيااااات متواضعه من الارشيف ارجو تمريرها
ياباشة الغيد شوفي حال مجنونك =إضـــروف الايـام عيت تـاقـف بـصـفه
من يوم رحتي وحال البعد من دونك =ماله جدى غـير يفرك كـفـه بـكــفـه
واليا تذكر سواد الرمش وعيونك =عيـن اشـقـراً ضف ريشه والعشا ضفه
يا فتنة اهل الهوى في عين مفتونك =الـبـرقـع الـي قـصـر طـوله عن الـشفـه
اهل الضنون الرديه لا يضنونك =لـوكـان دونـك سـيـوف الـسـتر و العفه
والاشقر الي يشابه لونه اللونك =تـلـعـبـه الـريـح فـوق الـجـيـد وتـلـفــــه
والزين لاجا مجاله لا يهمونك =انـتـي بـكــفـه وكـل الـبـيـض فـــي كفه
لوالجبيلان والعوده يشوفونك =غـنـوا قـصـيـد الـغـرام وصـابـهـم خفه
والجـيـب اسـريه واعـنيه لعيونك =الـبـعـد مـا يـبـعـد الـرجـال عـن شـفـــه