[بندر المقاطي العتيبي]

ملخص المحاورة بيني و بين سعيد العبد ..


سعيد العبد :
مرحبا بَ الشاعر اللي مَ تغيره الليالي /:/ عد مَ قدم سعيد العبد لَ سعيده هديه ..
لي ثلاث شهور ارد القوم يَ بندر لَ حالي /:/ و أنت منعم فَ الحساء تاكل من التمر و حليه ..


بندر المقاطي :
البقاء يَ اللي ترحب عقب مَ جاء لك مجالي /:/ عد مَ سالت سيول و عد همال برديه ..
دامك تعرفه يقيد فَ الجفار امن الخبالي /:/ وش يحدك مع دروبه ليت عندك معنويه ..


سعيد العبد :
أنت أظنك يَ المقاطي مَ عرفت اللي طرالي /:/ ودك الرجال يعرف قبل لا يعطي خويه ..
سامعً لي علم توه من دقايق يَ حلالي /:/ ليت مَ غثوك يَ بندر علشان الهويه ..


بندر المقاطي :
و الله إني فاهمك يَ سعيد مَ فيها مقالي /:/ مير ودي تفرح اللي عاشقً فعل الخطيه ..
كانها بَ الهرج تلقى عندهم شيءً هيالي /:/ و كانها بَ الفعل مَ يسوى و لو ذيل المطيه ..


سعيد العبد :
أدري إنك تعرف الأقصى مثل عرف الموالي /:/ مار حنا مَ نخلي درب في نجد العذيه ..
ليه مَ قدمت لك معروض لَ أصحاب المعالي /:/ يطلبونه فَ الصباح و يسجنونه فَ العشيه ..


بندر المقاطي :
نعرف شيوخ الرجال و نترب رخوم الرجالي /:/ طبعنا مَ يختلف لو تختلف كل البريه ..
و الله إني مَ رقدت ولا اهتنى يَ سعيد بالي /:/ لين شالته المباحث فوق جمسً ماش زيه ..


سعيد العبد :
لا تفكر يَ المقاطي ينعدل قرن الغزالي /:/ كلها يومين و تصبحك في مكه سريه ..
أطلب السلطه تمدك بَ السلاح و بَ العيالي /:/ لا تحاقر زمرة الشيطان ملعون السجيه ..


بندر المقاطي :
دام ربي حط مَ بيني و بينه فَ التوالي /:/ عدة فروقً مثل فرق الثرا عند الثريه ..
من كلامه مَ اختلف يَ سعيد لو قدر العقالي /:/ وده بَ كسب الجماله مير يبشر بَ الرديه ..



و شكر خاص لَ كل من تابعنا و وقف معنا ..