ليتني ماكان شلت التلفون=ولابعد حصلت لاسئلتي جواب
احسب اني فوق بعض الناس امون=مير ظني في عزيز القوم خاب
قبل تقرا بالخلاصه والمتون=يكشف العنوان مضمون الكتاب
ياخبيثين النوايا والظنون=تحسبون احساب واهملتوا حساب
لو تشوفون الصقر شوف العيون=من غباكم قلتوا انظنه غراب
مير حنا بالصداقه مانخون=دونها نرخص عزيزات الرقاب
سلمنا مايخنلف مهما يكون=والسمو ميزة عزيزين الجناب
ياهل النمات منا وش تبون=بعد اخذنا الاوله سفوا تراب
قدركم واهل المكارم يكرمون=اقبلوها مخطيه والا صواب
انشت الغيبه بمجلسكم ركون=تنعق البومه على دار الخراب
لامتى وانتم بغي وتجهلون=انتقام الله شديد العقاب
التوقيع |
انكان طاب الوقت وانكان ماطاب=مايختلف نهج الشجيع وطموحه
اما اقبلوني هكذا سلب وايجاب = والا ودعاً والعذر والسموحه
اذا انقفل باب انفتح غيره ابواب = وكلً على ما قالوا ادرى بروحه
|