[فيصل بن فهد الجهني]

لا اجيد المقدمات


لكم المحاروه و اتمنى ان تنال على اعجابكم



الزلامي
يا سلام الله سلامن من الفكر السليم .. في حلال جهينه اللي تجيك علومها
شفت ابن متروك اخونا وصاحبنا القديم ... سارحن له في جمالن تحك خشومها


السناني
مرحبا ترحيبتن فالصراط المستقيم .. يوم بعض الناس قامت تزيد همومها
الزلامي يحسب انه بجنات النعيم ... مير عينه جالها من يطير نومها


الزلامي
انت ما تدري عن العلم مير الله كريم ... ولا انا اعرف ظالم الناس من مظلومها
المدرس شبه مجنون والطالب غشيم .. تسقط الطلاب تنجح حشى ما ألومها


السناني
لن صدقت بكلمتك قول والله العظيم ... العرب من هرجتك لا تطش هدومها
بين خريج العليا و خريج النسيم ... من تعشى في بصلها يكمل ثومها


الزلامي
مش هذي يا السناني على ورعن يتيم ... ولا انا اعرف كل ليله و اعرف نجومها
سلعتن مرت على نجد واسواق القصيم ... لو تجي بالسوق انا حالفن ما اسومها


السناني
ندري انك تفهم العلم ولسانك حكيم ... مير شيخان البلد صدرت مرسومها
البضايع جنبت عنك ولا فالصميم ... ما لك الا يا الزلامي تجيب رقومها


الزلامي
يا ولد متروك ما نحقر عيال الحريم ... الرجال بفعلها لا بكبر رجومها
والله انك هالسنه صرت شيطانن رجيم ... لو ادفك يم هوج البحور تعومها


السناني
واحده تنجب والاخرى تبي تبقى عقيم ... شوف قسمك والعرب لا تنوش قسومها
وانت اللي هالسنه ما وقف ضدك خصيم ... لو عتيبه ضربتك الخلا ما ما ألومها


الزلامي
انت وابليس الصغير تراكم سيم سيم ... عجزت الحجاج تحكم عليه سهومها
والمنافق له مرورن على النار الجحيم ... ما يبا يلقى عباتن وساع كمومها


السناني
وانت يا راس الزلامي من الوصف العديم .. مزريه بقعا تدحرك مع بلعومها