يأبوشـوارب كــل عـمـري تـجـارب = ياكثـر ماشافـت عيـونـي ومأوحـيـت
قصيدتي من فـوق بعـض الشـوارب = نقدتهـا نقـد الذهـب بـيـت مــن بـيـت
مـانــي بعـارضـهـا لـــدغ الـعـقـارب = لـدغ العقـارب مـن وجعـهـا تـوذيـت
مـاهـيـب لـحـيـة واحـــدٍ فـيــه ذارب = لحـيـة وقــار ٍفــي كـرمـهـا تفـانـيـت
ماجبتـهـا ســـوط ٍ لـجـلـد الـغــوارب = جلد الغوارب من صفات الطواغيـت
شرعـتـهـا لـلــي يـبــون الـمـشــارب = في لاهب الجوزا ورمضا التخاتيـت
عـــد ٍعـلـيـه الـنــاس وارد وقـــارب = يـروي الكبـود اللـي رواهـا تناهيـت
مثـل البحـر تجـري علـيـه الـقـوارب = والسفن ترسي به تحت حملة الزيت
مأبغـى العـدا تعمـل عليهـا التجـارب = ومن الحسد تجمـع عليهـا الشماميـت
اللـي عشـاهـم مــن لـحـوم الاقــارب = وعلـى لحاهـم مـن عشـاهـم تفاتـيـت
مـايـمـدحـون الا وراهـــــا مـــــارب = والـسـب كــل ٍ يلحـقـونـه مـشـاويـت
الـى جـاك واحدهـم لسانـه مـحـارب = فــي غيـبـة المقـفـي عـبـوة دنـامـيـت
علـى عيـوب النـاس كانـه مضـارب = يـنـفـذ الصـفـقـات فـالـحـي والـمـيــت
ولاكل شارب يستحـي منـه شـارب = بعـض الشـوارب نعتبـرهـا توالـيـت
صح لسااااااانك يابوفهد مبدع دايم
الله يوفقك