[ابن سلوم الهيلوم]

عسى السحاب اللي على بحر الخليج غيومه
00000اليا استوى وبله على دار الصباح يهله

يسقي بلادن عاش فيها تاجنا ونجومه
00000هداج تيما والوفا والطيب فيه جبله

في الجود بحر وفي الملاقا مايهاب خصومه
00000ويفوز عن باقي سجلات الرجال سجله

واعود للي زاد بالعلم المفيد علومه
00000دكتورنا في الطب نفخر به وسيف نسله

حر وطموحاته تروم الطايله وعزومه
00000يبقى فخر للخامس اللي ينتمي له كله

في المرجله زادت على كل القسوم قسومه
00000وخلق وسماحه لجلها كل الرجال تجله

تبقى لولدك العزيز الدوحه المحشومه
00000وبرج تعمقا في ارتفاعه واستراح بضله

الله يصونك من عيون الحاسد المسمومه
00000لعلها تصبح عيون اهل الحسد محوله

ولا هانوا اخواني جميع حقوقهم مفهومه
00000قبل الكبير صغيرهم حربة حسام وسله

اشبال ليث حقق الله رغبته وحلومه
00000عمي قمر بعيوننا وانتم نجوم مطله

هذي يابو فيصل نوادر مهجتي منظومه
00000اقولها واستغفر الله من قصور وزله