علي
ابومـشعل قديـم اقدم من الشـيخـي وصـقر سليم=لـكن ماله علاقه مع رشيد وملفي ومـستـور
تـرى شمـس الـحقيـقـه يـاعتابـه ماحجبها الـغـيم=ومن يجهل وصوف الصقر صاده يحسبه عصفور
عثمان
ابو مشعل من ثبيت الكرام ولا شكا من ظيم= شداده في سنام المجد والعراف اله جمهور
تحدث ياشعر وانته على طول الزمان مقيم = مادام ثبيت تشرح واقعك محدً يحجب النور
علي
منيع الله ماخذ حقه سوات محمد ابن تويم=وهو شاعر تحدا فالمحاضر راعي الباكور
تحدث ياشعر مار العرب فيهم خشم وخشيم=يقولون الرجال الصمت حكمه والصدور قبور
عثمان
منيع الله ومطلق علموني وانتج التعليم= مواهب شاعر ماتحجبه عصبة شهود الزور
مادام العمر رحله والحياه موقته بالتيم=نبا ناخذ ونعطي والمريض انجيب اله دكتور
علي
يابو مشعل تقوله والخلل في لجنة التنظيم=وحنا مارضينا الضلم حنا مارضينا الجور
اهل جرول يصلون الصلاه بمسجد التنعيم=ورب الناس فوق الناس احد منهي واحد مامور
عثمان
كراديس الظلام اللي يدار بسدها التقسيــــــــم= تفضلها خفافيش تعيش بعتمة الديجــــور
يابوعيسى علامات المرض تكشف بطون الهيم =عسى روس الجمال الهيم بالجزار والصاطور