الموضوع: جيب لكزز
عرض مشاركة واحدة
غير مقروء 24-Mar-2012, 03:19 PM رقم المشاركة : 1
معلومات العضو
جمال منير
شـــاعــر

الصورة الرمزية جمال منير

إحصائية العضو






التوقيت


جمال منير غير متواجد حالياً

افتراضي جيب لكزز

.
.
.
السلام عليكم ,,





راكب اللي يطوي البيدا قوي اعزومـه=جيب لكزز صانعه تـوه علينـا ذاعـه
لؤلؤي اللون منوة مـن كبـار احلومـه=تطمع الطمّاع لو هو ما وراه اطماعـه
لا عطى للقار وجهه وانتهـض للقومـه=يعطي إلكل المواتر فالسبـاق اكراعـه
فزّته لا فز فزّت مـن يجيـد الحومـه=حرٍ اشقر منتهض من بعد طش اقناعـه
لا استوى فالخط والأمبير عـد ارقومـه=ما حسب راعيه وقت وكمّ باقـي ساعـه
ماتقول ألاّ معه حجّة قضـاء مختومـه=إنّ هذا القـار قـاره وإنّ هـذا قاعـه
إن قفيته قلت اشـاره والبلـد محكومـه=وان نطح مزنٍ سرى ببروقـه اللمّاعـه
العلامه في جبينه مثـل عقـد الهومـه=فوق عذراء دوب زفّوها بوسط القاعـه
لاشتغل تصفير سجّان في سابـع نومـه=مـرةٍ يغفـي ومـر يراقـب الملتاعـه
وقفته وقفات أميرٍ تـو صابـه زومـه=مشلحه من فوق متنه من على الشمّاعـه
من قوي باسه يهابه فالمجالـس قومـه=والشيوخ اللي تشوخ القوم جاها راعـه
مشتريه الصقر من بومه وجـدّه بومـه=أشهد أنه رابحه واللي فلس مـن باعـه
وجهته صوب المكان اللي نفح يشمومـه=منوه لقلبـي وشفّـه صيفـه ومرباعـه
واحدٍ جينا ندوّر عـن جديـد اعلومـه=ماحسبنـا للنمـور وعاويـات اسباعـه
الحسايف تأكل الرجّـال مأكـل ثومـه=لاأرّجع الذكرى وتطري له حياة الضاعه
ووجودي لآيمـي يالله عسـاك تلومـه=لين يعذر فالامور يقول سمـع وطاعـه
صدة المقفي رجوعـه لاجهلنـا يومـه=تلعن بساعة فراقه مع علـى مرجاعـه
العيون بدمعها ومـن السهـر موسومـه=ولّع بقلبي بـ/ نـار الشـوق بالولاعـه
الشقا والحسره وقطـع النيـا مطعومـه=ما قنع لو حاولوا شتى السبـل باقناعـه
مايجنّب لـو قالـوا جعّلهـا مرحومـه=قال راسي واسّدوه الأرض فوق ذراعه !


.
.
وسلامتكم ,,















آخر تعديل جمال منير يوم 24-Mar-2012 في 03:25 PM.
رد مع اقتباس