السلام عليكم ورحمة الله وبركاته
قصيدة لتواصل
ياللي غرآمك في خفوقي مبآنيه=عش عالمك يازين لاتحتريني
خلاص يكفيني عتاب ومشاريه=ترى الخطاء مقسوم بينك وبيني
ماكل حلم نحّلمه نهتني فيه=كم حلم بأسبابه نجر الونيني..
دام الطريق يتعب اللي يناحيه=ليه انتغربل.. والجبل ما يليني.!؟
خلك على فالك وفالي بلاقيه= اما يسار الدرب والّا يمـــيني
لوّ الزمان (أ) يجيب للشخص أمانيه=يمدي ملكنا الراجحي من سنيني
مير القدر معروف هاذي حراويه=وعلى صدوف الوقت يالله تعيني
انت اعتبرني (شخص) طيفك مخاويه=عابر سبيل..وكلنا راحـــلــيني.!
وادعك وموادعك مهوب قاويه=ويدعي عسا بعده..حياتك تزيني
خايف عليك الوقت يحذف بلاويه.!= بهروج ناس(ن) فـ/الردى ولميني
وأنا اعتبرتك حلم ماني بـ نآسيه=محفوظ طول الوقت في نون عيني
اعرض رموزه..واتمعن (أ)*بـ/خافيه=واذبح من أجله كل (قافٍ) سميني
واضحك ليا قالو: نسيته..وأقول: إيه=ضحكته حزن ممزوجة(ن) بالحنيني
هذآه موجز حالي اللي مـعنيه= ويالله على درب ((الرشاد)) تهديني.!
عناد الشيباني