عجاب الدغيلبي=
الليلـة الـطـاروق لله دره=والعلم ينصى حاكم الغنامـي
ماعاد له فوق البسيطة جرة=من بعد ماجاه القرار السامي
حاكم الغنامي=
اللي يصر الطيبه في صـره=يرجع من الميراد جايع ضامي
احذر تغرك نفسـك المنغـره=والذيب يعوي له ثلاث ايامي
عجاب الدغيلبي=
الرفق مرة والمخاصـم مـرة=سياسة ٍ حتى مـع الحكامـي
فالقيض الأجواء شعلة ٍ محترة=ويل الزهور من اللهيب الحامي
حاكم الغنامي=
هذي نتيجة صحبةٍ منفـره=من حولها علامة استفهامي
اللي هدر دم الشهيد الدره=ذبحه حلال بديننا الاسلامي
عجاب الدغيلبي=
قلته ولكن نفسك المنضـرة=سل الضمير بلوحة الرسامي
أغراضكم فمراحكـم منثـرة=ما أشوف غير غباركم قدامي
حاكم الغنامي=
بحر المعاني يشتكي من بـره=وانا اشهد ان البحر مايلامي
كان السبب من عينك المحمره=تلقا دواها عند ابـو عرامـي
عجاب الدغيلبي=
تابع بحور الشعر فالمغترة=وإخذ العبر من كل بحر ٍ طامي
ثوبك عن المنقود زره زره=حيثك عتيبي جاك الأمر إلزامي
حاكم الغنامي=
خليتهـا للهاجـري والـمـره=حنا جماعـة بنـدر القسامـي
ارض الجزيره بين سهل وحره=الله يساعـد حافـي الاقدامـي
الله الله
ع الابداع واهله
عجاب الدغيلبي
حاكم الغنامي
شعراء كبار صحت السنتكم على هذه المحاورة
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|