[خالد@الدلبحي]

أهدى الشاعر عبيد بن نوار بن مزعل الحميدانى قصيدتان للشيخ ضداد بن نايف بن شارع الغويرى لمناسبة خاصة معبرا عن شعوره تجاه الشيخ ضداد وماواجهه من كرم وسخاء وترحيب به أثناء قدومه إليه .


حيث قال فى قصيدته الأولى :


عز الله إني يوم روحـت ربحـان
من الجموش ورايحن يـم ضـداد
ولقيت راعي الطيب للطيب عنـوان
واللي نصا غيره من الناس مافـاد
ابا اذكر اللي شفت من طير حوران
حلفة لأعلنها على روس الاشهـاد
جيت العيال اللي عزيزين وأخـوان
قبولهم يكفي عن الملـح والـزاد
وجانا ولد نايف على طول نشطان
وأقبل يهلي يمنـى ذخـر الاجـواد
ليت القناه تحـط للشعـر ميـزان
واجمل بيوت الشعر للشيـخ تنقـاد
مابه حلين له على طول الأزمـان
ولا بالرياض اطيب من الشيخ ضداد
واللي يرد بغيـر ضـداد خسـران
بالطيب يتعب لـه سرايـا وقيـاد
والتجربه برهان هي خير برهـان
ولاخير في علمن بلا علم واوكـاد




والقصيدة الثانية :

انا والله اني لاصخر القاف والقيفان ***** وارد البيوت الشرد والله يسخرها
أباجر صوتن يطرب الانس هو الجان *****جواهر منقيها وملزوم اصطرها
عسى الله يحفظ نجمنا اللي طلع ثم بان*****جميع العلوم الطيبه هو مصادرها
ذكرناك ياضداد يومً فعلك بان *****على العز سيست البلاد وعمايرها
تورثتو الطلات ورثن من الجدان ***** هل الفزعه اللي ماخسر من يدورها
اهلكم هل الطالات ماصكو البيبان ***** اهل نجد واحمات الوطن هم ذخايرها
تراني ماقول القول الا على البرهان***** اقول الحقيقه ثبت كلن يقدرها
تعليت ياضداد يامكرم الضيفان ***** امرتو على البيبان محدن يسكرها
انا اسمع من العربان في ماضي الازمان ***** اجمال العلايق حملها مايحيرها
هذا ماجرالي ياهل العرف والعرفان*****وابي اختم كلامي بالتحيه واكررها