[حيــاّد]

المشاركة الأصلية كتبت بواسطة محمد الذيابـــي

,,


هذة القصيدة إهداء للشيخ / مطلق بن فراج المواط العصيمي بمناسبة مشاركته في ام رقيبه لهذا العام..

لاوالله يالمواط قفلتها بالشيش=ومثلتنا بالفوز برقا مع الروقه
على العز جاه الفوز ما جاه بالتغشيش=وطبع الريا ماهي سجاياه وطروقه
سلامي سلام أسلام مايقبل التشويش=أسوقه لابن فراج وخطاه موثوقه
تعيش المروه يابن فراج وأنت تعيش=ونفسك على قولة هلا دوم مشفوقه
يقولون متعلم وأقول المجامل ليش=وهو مدرسة فالطيب والصدق منطوقه
مدام أن أبوه معلمه من زمان الطيش=تعلم وصار الجود بالصغر معشوقه
كسبت المكارم يابيض الوجه كسب الجيش=ليا عودو وأغلى المكاسيب مفروقه
شهر مثل صقر بالسما لا كفخ بالريش=ليا شام للعليا بعد فكت سبوفة
على شوفتك نفرح وندفع لها بخشيش=على شوفة اللي يمشي الجود بعروقه
عسا فدوته ياعتيبه الخبل والدرويش=بجاه الاله مكون المزن وبروقه
مواقفك مثبوته ولا تقبل التهميش=مثل ماتقول الشمس ماهيب مدروقه

بيض الله وجهك

ووجيه شعراء القبيلة

اوجه ابوفايح

يكتمل النجاح اذا الشعراء ترجموا الانجازات
فيحفها التاريخ للقبيلة
كفو كفو ياعتيبة تستحقون ان تنتمون لهالقبيلة العظيمة بتكاتفها وعوايدها