كل الدلع ما قيل الا عشانك
وعذب الغلا لأجلك تغنيه الاشواق
ان جيت بحكي عنك يروي زمانك
كيف النحل يارد على الزهر مشتاق
وان قلت عنك روض يزهر بنانك
وان قلت بدرٍ زان في نورك اشواق
وان قلت بحرٍ بان لي عظم شانك
وان قلت سيف طاب في ليلتك عناق
وان قلت صادق ما يخونك لسانك
وان قلت عاشق جيت للحب بأخلاق
وان قلت ريم الرمش بالعين زانك
وان قلت خل منوة الصدر لي ضاق
سبحان من ابدع جمالك وصانه
ربٍ ملك ها لكون وللحسن خلاق