[السيف الصقيل]

محاولة شعرية متواضعة والمشاعر اكبر من ذلك ولكن تهمني ملاحظاتكم على القصيدة

لاهنتوا

المرثية في المرحوم بإذن الله

عناد بن ذياب الذيابي

العلم ويش عسى ما شر ياسعود=صوتـك تجـره مــن ضـلـوع الحنـايـا
جـانـي خـبـر مـثـل صــوت الـرعــود=وحـوض المنيـه تــارده كــل البـرايـا
مـات الفقيـدة حبيـب الـولـد والـعـود=و اختارته من بيننا سهوم المنايا
فـــزع نـخــوة وارتـقــا يـمـهـا سـنــود=حـل القـدر وغـيـب كـريـم السجـايـا
عـم الحـزن والـفـرح صــار مفـقـود=وماجـور ياقلب(ن)غـدا بــه كـوايـا
و طـــاح اخــــوه لامــقــام ولاقــعــود=وغــــدا فــكــره لا شــتــات ولابـقـايــا
وسلـم جميـع امــره لـربـه المعـبـود=لا فـيــه حـيـلـه ولا بيـديـنـه سـوايــا
عزانـا يـوم الخلايـق علـيـه شـهـود=وكــل(ن) شهـدلـه بحـسـن الـنـوايـا
لـيـا جــا طـاريـه مايلـحـقـة مـنـقـود=والمـراجـل عقـبـه صـــارت ضـحـايـا
ماهو راعي هوى ولاعاشق عنود=ولا مشـى بـدروب الـردى والخنـايـا
سيرته تذكر مـع الطيـب والحسـود=الله حسيـبـه يــوم عــرض الـسـرايـا
رجــانـــا بالله وبـحـبــلــه الــمــمــدود=يجعـل عوضنـا فيـه زيــن السـوايـا
مامـات عنـاد لــو مـاكـان مـوجـود=مــادام ذيــب اخــوه شبـيـه الحـلايـا
يامجـيـب المصـلـي عـنـد الـسـجـود=تـغـفـر لـعـبـدك اسير الخـطـايـا
ويالله يـاربــنــا الـــوالـــي الـمـعــبــود=تـرحـم ضعـيـفٍ حــط بـيـن اللـحـايـا

آخر تعديل السيف الصقيل يوم 27-Dec-2011 في 04:31 PM.