[متذوق الشعر]

طاورق رااااااائع جمع زبن القاضي(شاعر الهيلا) وعبدالله بن عتقان الاسبوع الماضي

والتحليل عند ابو فايح:


عبدالله بن عتقان:

يامرحبا في حفل ربعاً طيبهم ماله حدود
فالطيب والا فالشجاعه كاسبين الاوله
ياصحابنا العتبان من حط العلم فوق العمود
اما يحل المشكله والا يزيد المشكله

زبن القاضي:
دام البقاء ياللي ترحب ياعساكم فالوجود
والمرجله يسعالها من هو يحب المرجله
من جدنا الاول يابن عتقان فالماقف نزود
والطيب يبقى في هله والمجد يبقى في هله

عبدالله بن عتقان:

مافيه احد ياخذ الدنيا مواثيق وعهود
كم واحد(ن) ماشاف من دنياه غير البهذله
حنا كشفناكم بعد شفنا الصوادر والورود
السر فاول مرحله والضحك فاخر مرحله

زبن القاضي:

انته تحسب أنك مع الدنيا تبا ترقى سنود
ماتدري إنا نمهل اللي ندحمه مانهمله
الحجه اللي يا الدميحي ماتوثقها الشهود
اخر مطاف الحجه اللي ماتوهل مخذله

عبدالله بن عتقان:

الحمدلله لاضعيف ولا ذليل ولا شرود
واللي يبا يدحم ولد عتقان جعله قنبله
لو الاوادم تعتبر من خاتمة عاد وثمود
ماجاتك العتبان بالحبه من اجل السنبله

زبن القاضي:

ماقلت فيك خلاف واعدك فهد مثل الفهود
انتم نجوم(ن) في سماها مير جات محوله
اللي سمعك يقول ماطيبكم من اصحاب الخدود
وانتم ترى الله ذاكرٍ له فيكم إيه منزله

عبدالله بن عتقان:

اخذ الشهاده من صديق ومن عدو ومن حسود
يمكن تعلمك الحقايق فالليال المقبله
العام صيحتكم من الضده صحت منها الرقود
واليوم سويتو خريطه بلبله في بلبله

زبن القاضي:

عين الحسود اليا حسد ماعندنا له غير عود
واللي يقابلنا بحد السيف نقدر نقتله
العام شفنا من ديركم مع هل الرايه وفود
ولاشماته فيك لكن النهايه مهزله

عبدالله بن عتقان:

انتم عتيبه نعم فيكم لو تغثون الكبود
احيان مايصلح لكم غير القفص والسلسله
انتم دخلتو بالويه حنا دخلنا بالجنود
جندي من السلمان يسواله كتيبه كامله

زبن القاضي:

انتم سليم ونعم فيكم ماني بقايل قرود
جعل الجبال اللي رعتكم كلها بالزلزله
الضعف ماهو طبعنا ياراعي القلب الصمود
غزيت بالجندي واكلتوها صماط مفلفله


الطاروق فيديو: