ماجد السميري=
يالله يامعبود يارب العباد , ياناصرن يوسف على كيـد الحريـم=انك تبين الحق وتزيح الظلام , واللي عقد روس الحبال يحلهـا
الارض جفت والغلا عم البلاد , والغيث ما جاله على البيدا وشيم=كله بذنب الظلم وعيال الحرام , واللي عقد روس الحبال يحلهـا
غانم الفضلي=
راع الذلول اللي تدرهم بالشداد ماتجذبه نـار مولعهـا شريـم=وفر رصاصك يالسميري فالحزام واللي عقد روس الحبال يحلها
يبا يجيك الخير لاشا الله واراد لكن لاتقنط تـرى ربـك كريـم=اشغلتني قدام لا ارد السلام واللي عقـد روس الحبـال يحلهـا
ماجد السميري=
شعيل ما عاقه عن الممشا قراد , يهدر ويهبد ويتباها من قديـم=ماهوب عارف لا قياد ولاخطام , واللي عقدر روس الحبال يحلها
الله وعد بالويل من فوق الشداد , لكل مغتابِ ومشّـاي بنميـم=يارحمة الله ما يتوبون الانام , واللي عقد روس الحبال يحلهـا
غانم الفضلي=
ان طعتني بلغ مكافحة الفساد على سرابيت الدخل واهل النسيـم=اليا متى واللعب عادي بالنظام واللي عقد روس الحبال يحلهـا
الوادي اللي شال حنان الجراد اصبح على قول المثل مثل الصريم=ياقدرة الله ماعلى الدنيا دوام واللي عقد روس الحبـال يحلهـا
ماجد السميري=
ما عاث فالديره وحل الاقتصاد , الا مكافحة الفسـاد اللـي تهيـم=اهي البلا واهي الجلا واهي الهدام , واللي عقد روس الحبال يحلها
قولوا لها تلبس من اثياب الحداد , ماعاد للفرسان فالديـره مقيـم=دام الكرامه بيتها روس الكرام , واللي عقد روس الحبـال يحلهـا
غانم الفضلي=
الثوب الابيض في اخر الايام باد اللي من اول ساتر الطفل اليتيـم=واللايمه تشمل على ربد النعام واللي عقد روس الحبـال يحلهـا
ان كان تبغى الصدق والعلم الوكاد لاترجي الماطر ليا ماشفت غيم=ماعاد فيها يا ابيض الشارب كلام واللي عقد روس الحبال يحلها
ياسلام سلم
طارووق رااائع
صحت السنتكم وقلوبكم
وبالنسبة لماجد السميري فهو شاعر ورجل عاقل
واعتقد استخدامه لهذه المعرفات لايضيف له شي
حتى يستخدمها ورقم الآيبي يوكد اسم صاحب المعرف.
والله بكل شي عليم