المبرقعه ؛من سكان دولة الكويت وهي (لاتحمل الجنسيه الكويتيه ولااي جنسيه اخرى)
اي من (ال بدون ) وهي (قالت ذالك بنفسها في كتاباتهاالصحفيه)
لااعرف ان كانت قد حصلت على (الجنسيه الكويتيه لاحقا ام لازالت ) و قبل خمسة عشر عاما او تزيد
نشرت قصيدة في (مجلة قواصل ) وتقول في تقديمها للقصيدة ان هذه اول قصيدة اكتبها
اما صارت قنبله في عالم الشعر واستمريت في كتابة الشعر او انها صارت فقاعة صابون وتلاشت
وتركت كتابة الشعر .وبالفعل صار الافتراض الثاني ولم تكتب غيرها وهي (القصيدة الوحيدة لها)
لاقبلها ولابعدها كما قالت هي بنفسها في حوار صحفي اجري معها لاحقا(يمكن انهاعملت بالنصيحه)الله اعلم
يدت قصيدتها بقولها * الله خلقني فوق باعلى مبانيه × كيف انزل الواطي وانا منزلي عال*
وكانها تعيش في كوكب اخر غير كوكبنا (الارض )هاذاوهي مجهولة الهويه وشلون لو معها هويه
وتقول في البيت الثاني : وحدي وصلت العز لاخر موانيه × انثى ولاكني عن الفين رجال
انا مدري وش العز اللي وصلت له وخلاها في نظرها عن (الفين رجال) ؟ وهي حتى(الجنسيه ماحصلت عليها)
وتقول في البيت الاخير
مافيهم اللي ينشد الظهر فيه × متقاسمين الكون ناصب ودجال
وهي (تقصد جميع من على الكون من الرجال بدون استثناء )وانهم نصابين ودجالين ولا يوجد بهم الرجل
اللذي يستحق ان يطلق عليه اسم رجل في نظرها(يمكن لانهم ماساعدوها في الحصول على مايثبت هويتها)
ورد عليها عدد من الشعراءوانا واحد منهم اليكم القصيدتين
هذي من قصيدة المبرقعة
الله خـلـقـنـي فـــــوق .. بـاعــلــى مـبـانـيــه=كيـف انـزل الواطـي ولـي منـزل عــال
عزمي وصدقي .. صدق .. بأسمى معانيه=بـــي عــفــة الـمـهــرة وبــــي روح خــيــال
وحـــدي وصـلــت الـعــز لاخــــر مـوانـيــه=أنـثــى .. ولـكـنـي عـــن ألـفـيـن رجـــال
واللـي يـروح .. يـروح .. مـا والله ابكـيـه=أقـط راسـي .. لـو خـطـر لــي عـلـى بــال
مــــا أرد لـلـجـاهــل ولا اســمـــع حـكــاويــه=حــيــاي يمـنـعـنـي عــــن الـقـيــل والــقـــال
كــل يـبـي قلـبـي وأنــا القـلـب مــا أعطـيـه=نـفـسـي عـزيــزة دونـهــا بــحــور وجــبــال
مــا فـيــه مـنـهـم مـــن تـشــد الـظـهـر فـيــه=متـقـاسـمـيـن الــكـــون كــــــاذب ودجــــــال
والرد علي قصيدة المبرقعة
مدري وش اسم الكوكب الي سكنتيه=نبـا نوجهلـك مــن الارض الآرســال
شعـر(ن)هـذاه اولـــه يـنـعـاف تـالـيـه=مـحـدٍ يسـومـه لــو عرضتـيـه بـريـال
مـالـك ومــال الشـعـر يابـنـت خـلـيـه=العمـر مقفـي والعقـل مـاشـي الـحـال
امــا ظـلـمـك الـشـعـر ولا ظلمـتـيـه=ولا عـلاك اللقـي مـع الشعـر مـدخـال
بـابٍ تجـي مـن يمـه الـريـح صكـيـه=الحـرص واجـب لايضيعـك الاهمـال
محدٍ يعرض مخطي الحـذف رجليـه=الا الــذي مـالـه مــن العـقـل مـثـقـال
مـار انتـي كراعـك طويـل ومغطتيـه=وهـذي سـوات الـي كراعينـه طـوال
خلـي نظـرك لماطـا الاقـدام شوفـيـه=الشوف لايطفح علـى روس الاقـذال
انتـي ذنيـب الـداب الاسـود وطيتـيـه=من ضعف شوفك تحسبين انه عقـال
بكلامـك الـي فــي فـواصـل نشرتـيـه=ان كان مجنونـه تـرى النـاس عقـال
وترى الكويت صغير وانتي زحمتيه=رحتـي عليهـم باخـر الوقـت غـربـال
تعيـنـي لــك كـوكــب اخـــر وحـلـيـه=توسـعـي بـــه شـكـلـي دولـــه لـحــال
والبرقع الـي حـط مـن قـدرك ارميـه=مايصلح البرقع على وجيـه الابطـال
والـثــوب كـانـنـه مضـايـقـك وطـيــه=وامشـي مـع النـاس بفنيلـه وسـروال
الشاعر:عايض بن جزاء العصيمي