[حمود بن خيشوم العصيمي]

المشاركة الأصلية كتبت بواسطة (مہودع دنہيأهہ)

يا أخوي انا سمعت العلم من واحد عصيمي من الشجاعين وفيه قرابه من الرجال.

وهي تختلف شوي عن واحد من الردود اللي ردت على الموضوع فالجريده.وتختلف عن اللي قلته أنت بشي بسيط لأن العلم اللي جاني إن المسؤل وموكبه على مواتر وضيقو عليه فالخط وددق علاهم بالبواري ومشى وقامو لحقوه وصار اللي صار.لاكن خلنا نقول علمك أو العلم اللي سمعته انا او اللي جاء فالجريده والردود.هل الشطفه اللي ماهي بمقصوده أو لو حتى((مقصوده))تبرر له إنه يخش جوت الحوش والصيوان بحرس مصاريه وتكارين ويغلط على كل الحاضرين سواء من عواده وشباب من دون لا يحترم حرمة البيت اللي هو فيه؟؟؟وين حرمة البيت ووين مرعات كرامة النااااس.ولعلمك بس تراء الرجال ما طلق بالرشاش إلا بعد الهوشه لأن يوم زودها فالغلط قام عليه واحد من الشيبان اللي يعطيه العاافيه وهاش عليه ثم هرج عبيده وقال أمسكوه عشان يبا يضرب العود وقامو اللي الحاضرين ودافعو عن العود اللي يبا يحافض على كرامته وقامت الهوشه ثم إنغبن الرجال وأضهر الرشاش وحول علاهم وهجو نصهم وكتب الله إن تكون نهاية المصري على يد هذه الرجال.(إمكن تكون عبره ودرس للمسؤل يتعلم منها إن لناس كرامه ما يسمحون لأحد يتعدى عليها.ولعلمك بعد فيه أكثر من كور تنوم بالمستشفى طبعاً(من الضرب اللي جاه من القطلّ والمداق)هذه حسب ما سمعت.



على العموم الله يعطيك العاافيه ولايهينك على المرور.

الخبر الاكيد هو وصول الرجل المسؤول ومن معه الى مخيم العصمه المقام بين مساكنهم
وتحرش المرافقين باهل المحل مما أحدث مضاربه جماعيه واطلاق النار
وهذا التصرف بحد ذاته يعتبر مشكله فمحال المواطنين لها حرمتها وكان بالامكان معالجة أي مشكله بسيطه بحكمه حتى لا تتطور للاسوأ كما حدث وهجوم المرافقين على اهل المحل تجاوز من جميع النواحي وتسبب فيما حدث فالبلد محكوم وما أحد يقدر يأخذ ما يريد بيده لا بد للرجوع للجهات الرسميه وولاة الامر ولانقول الا قدر الله وما شاء فعل 000

الله يعافيك وتوضيح الصوره مفيده لتحقيق العداله