السلام عليكم
محاوره جديده للعمالقه حبيب ومستور اعجبتني وكتبتها لكم علشان محد يقول لاهنت على النقل هههههههه
حبيب
مرحبا مرحبا فضيافة ابن سحيم *** شيخ ربعه ومن خطلان الايماني
السماء لن صفا ماحال دونه غيم *** وان تعكر طلع فالجو دخاني
مستور
البقاء يالمرحب عن هل التكريم *** كلنا ياطويل العمر عتباني
انت عالم ولا يحتاج لك تعليم *** مد حبل الروى لن كان ضمياني
حبيب
كل ما اقنص واصيد من المها والريم *** خابر انك بجنبي ماتعداني
دام هداج تيماء للحيام مقيم *** ارده واشرب الجمه بذرعاني
مستور
العرب تختلف فيهم خشم وخشيم *** منهو اللي سرق خاتم سليماني
بعض الامراض قشر ولا لها تطعيم *** مير لاتشغل افكارك على شاني
حبيب
مشكله تقبل التحليل والتحريم *** كيف والخاتم اصبح عند جيراني
مابقى الا الملاعق في مضيف ثليم *** لا تقول الصحن والقدر ملياني
مستور
انته العام قاصر عني التسليم *** والعشيه تقول انك تحداني
كثرت الناقده واكلت عروق النيم *** مابقي فالبلد خوخ ن ورماني
حبيب
ماقصرت السلام ولا يجيك الضيم *** روح وان دارت الايام تلقاني
دوك بشت الزعامه وانت رجل زعيم *** مير لاتلبس المشلح وتنساني
مستور
شدو الناس شدو وانت ليه مقيم *** ياحبيب وراك حبيب الثاني
اثر من حل في واد الهيام يهيم *** مير لاتلتبس لك كوت نصراني
حبيب
ماتشد السراه ولا جبال سليم *** لا يغرك شديد فلان وفلاني
قالوا العود دخن وانفخه ياشريم *** قلت يالربع انا انفخ والبلا جاني
مستور
ناشك من السحاب السيل ولا ديم *** وان بلتك الليالي لاتبلاني
ما نبا بيننا ياصاحبي تقسيم *** مير مافيه نار بدون دخاني
حبيب
السحابه تعدت مع جنوب القيم *** ثم فرق مطرها دون رضواني
تعرف الحر يفهم والفهيم فهيم *** والخطر ينقسم روقي وشيباني
المحاوره فيديو بلحن رائع من روعة حبيب ومستور